ថ្វីបើប្តីជាបុរសប្រភេទណាក៏ដោយ ក៏នាងជាប្រពន្ធមិនគប្បីមើលងាយ មើលថោក ឬស្អប់ខ្ពើមឡើយ ព្រោះនាំឱ្យអាប់សិរី ។ ប៉ុន្តែមិនដូច្នោះទេ ស្ត្រីពួកខ្លះក្នុងលោកនេះមិនមានគុណធម៌ក្នុងខ្លួនទេ តែងត្មះតិះដៀល និងមាក់ងាយប្តី…
ថ្វីបើប្តីជាបុរសប្រភេទណាក៏ដោយ ក៏នាងជាប្រពន្ធមិនគប្បីមើលងាយ មើលថោក ឬស្អប់ខ្ពើមឡើយ ព្រោះនាំឱ្យអាប់សិរី ។ ប៉ុន្តែមិនដូច្នោះទេ ស្ត្រីពួកខ្លះក្នុងលោកនេះមិនមានគុណធម៌ក្នុងខ្លួនទេ តែងត្មះតិះដៀល និងមាក់ងាយប្តី ដែលខ្លួនបានរៀបការឱនក្បាលដល់កន្ទេលយ៉ាងត្រឹមត្រូវតាមប្រពៃណី នេះជាទ្រឹស្តីព្រះពុទ្ធសាសនាបានចែងមក ។
ហេតុ៨យ៉ាងដែលស្ត្រីពួកខ្លះមាក់ងាយប្តីគឺៈ
១-ប្ដីគ្មានទ្រព្យសម្បត្តិ ទីទ័លក្រ ២-ប្ដីឈឺជានិច្ច ឈឺមិនលស់ថ្ងៃ ៣-ប្ដីចាស់ទុព្វលភាព គ្មានកម្លាំងកំហែង ៤-ប្ដីផឹកគ្រឿងស្រវឹង សេពគ្រឿងញៀន ៥-ប្ដីធ្វេសប្រហែស មិនស្គាល់កាលគួរ និងមិនគួរ ៦-ប្ដីអាប់ឥតប្រាជ្ញា ល្ងង់ខ្លៅ មិនដឹងទិសតំបន់ ៧-ប្ដីខ្ជិលច្រអូសក្នុងកិច្ចការងារទាំងឡាយ និង៨-ប្ដីមិនប្រឹងប្រែងរកលុយ រកទ្រព្យសម្បត្តិឲ្យមានបាន ។
ស្ត្រីគ្រប់រូប ត្រូវដឹងថា បុរសម្នាក់នេះជាស្វាមីរបស់យើងពិតៗ ដូច្នេះត្រូវគោរពស្រឡាញ់គាត់ឲ្យបានល្អ មិនត្រូវមាក់ងាយដោយហេតុណាមួយឡើយ និងត្រូវយកចិត្តទុកដាក់ចំពោះប្តីយើងទាំងថ្ងៃទាំងយប់គ្រប់ពេល និងត្រូវចេះសន្តោសចំពោះប្តី បើមានកំហុសឆ្គងណាមួយអាចអនុគ្រោះឲ្យបាន ក៏អនុគ្រោះទៅមិនត្រូវបង្កបញ្ហាឲ្យកាន់តែខ្លាំងក្លានោះទេ ។
ដោយឡែកខ្លួនអ្នកជាប្តីវិញកាលបើដឹងថាប្រពន្ធមិនពេញចិត្តត្រង់ចំណុចណាមួយពិសេសគឺចំណុចទាំង៨ខាងលើនេះ អ្នកត្រូវធ្វើខ្លួនមិនឲ្យមានកំហុសឆ្គងគឺកំហុសជាន់កំហុសនេះតទៅទៀត និងត្រូវឧស្សាហ៍ព្យាយាមធ្វើការឡើងដើម្បីប្រែក្លាយខ្លួនជាប្ដីដ៏ល្អ ប្តីគំរូ ប្តីគួរជាទីគោរពស្រឡាញ់ ។
ចែករំលែកព័តមាននេះ