១-ទឹកជន់លិចអាកាសយានដ្ឋាន
អាកាសយានដ្ឋានអាកាពុលហ្គោ ក្នុងរដ្ឋហ្គែរ៉េរ៉ូ ប្រទេសមុិកស៊ិក បានជន់លិចក្រោយពី ប្រឈមមុខនឹងព្យុះភ្លៀង កាលពីពេល ថ្មីៗកន្លងទៅបង្កឱ្យមានអ្នកស្លា.ប់ចំនួន៤៨នាក់ ។
១-ទឹកជន់លិចអាកាសយានដ្ឋាន
អាកាសយានដ្ឋានអាកាពុលហ្គោ ក្នុងរដ្ឋហ្គែរ៉េរ៉ូ ប្រទេសមុិកស៊ិក បានជន់លិចក្រោយពី ប្រឈមមុខនឹងព្យុះភ្លៀង កាលពីពេល ថ្មីៗកន្លងទៅបង្កឱ្យមានអ្នកស្លាប់ចំនួន៤៨នាក់ ។
២-យន្តហោះស្ថិតក្នុងដួងព្រះចន្ទ
ខណៈព្រះចន្ទរះពេញវង់ ហើយយន្តហោះចុះចតនៅអាកាសយានដ្ឋានហុីតត្រូ ក្រុងឡុង ចក្រភពអង់គ្លេស មើលទៅឃើញដូចជាយន្តហោះហោះកាត់ភពព្រះចន្ទ ។
៣-ខ្លានាំគ្នារាំ
សិល្បករបានលាបពណ៌លើដងខ្លួន និងពាក់ស្រោមមុខខ្លា ចូលរួមក្នុងពិធីរាំកម្សាន្តរៀបចំឡើងជាប្រចាំនៅរៀងរាល់ឆ្នាំក្នុងរដ្ឋហ្គ្រេឡា ភាគខាងត្បូងប្រទេសឥណ្ឌា និងជាផ្នែកមួយនៃការប្រារព្ធខួបប្រមូលផលកសិកម្ម ។
៤-ពន្លឺភ្លើងពណ៌ចេញពីអគារខ្ពស់នៅឌូបៃ
នៅពេលយប់ពន្លឺភ្លើងពណ៌ចេញពីអគារខ្ពស់ក្នុងទីក្រុងឌូបៃ ប្រទេសអេមីរ៉ាតអារ៉ាប់រួម ស្រស់ប្រណីតគួរឱ្យគយគន់ ។
៥-យន្តហោះបាចសារធាតុគីមីពន្លត់ភ្លើងឆេះព្រៃ
យន្តហោះ DC-10 បាចសារធាតុពន្លត់ភ្លើងឆេះព្រៃនៅពីលើភ្នំសានហ្គេប្រៀល រដ្ឋកាលីហ្វ៊័រនីញ៉ា ។ ភ្លើងឆេះព្រៃនោះ កើតឡើងកាលពីពេល ថ្មីៗកន្លងមកបណ្តាលឱ្យខូចខាតអស់ជាច្រើនហិកតា ។
៦-លួងកូនយំដោយលើកគ្រវី
អ្នកស្រីអាលីហ្សាប៊ែត និងលោកស្ទីវ ដែលចង់ឱ្យកូនអាយុ៦ខែឈប់យំ ក៏លើកគ្រវី តែបានរបូតពីដៃ ។ ទោះជាយ៉ាងណាក្តី ក្មេងនោះមិនរងរបួសទេ ។
៧-ពពែរួចផុតពីការធ្វើទារុណកម្ម
«បេលឡា» ពពែរបស់អង្គការជួយសង្គ្រោះសត្វ និងកុមារនៅភាគខាងជើងក្រុងឡូសអេនចឺឡេស សហរដ្ឋអាមេរិក ក្លាយជាផ្នែកមួយក្នុងចំណោម១៧០ក្បាល ទទួលការជួយសង្គ្រោះពីការធ្វើទារុណកម្ម ។
៨-រំលឹកខួប៥៥ឆ្នាំប៉មសង្កេតការណ៍ក្រុងតូក្យូ
អ្នកនេសាទក្នុងខេត្តអុីវ៉ាតេ របស់ជប៉ុនបានយកត្រីសមុទ្រសានម៉ា (Sanma) ចំនួន៥.៥៥៥ក្បាលទៅអាំងជូនភ្ញៀវទទួលទាននៅក្នុងពិធីបុណ្យសានម៉ាប្រចាំឆ្នាំនៅក្រុងតូក្យូ ស្របនឹងខួបប៉មសង្កេតការណ៍តូក្យូអាយុ៥៥ឆ្នាំ ។
៩-លេងឧបករណ៍តន្ត្រីប្រចាំតំបន់អឺរ៉ុប
ឆ្កែពនេចរមួយក្បាលដើរកាត់តន្ត្រីកររ៉ូម៉ានីដែលលេងឧបករណ៍ថាំបល មានខ្សែពី២០ទៅ៣៥សរសៃ នៅទីលានម៉ូណាស្ទីរ៉ាហ្គី ក្រុងអាថែនប្រទេសក្រិក ។ថាំបល ជាឧបករណ៍តន្ត្រីចំណាស់តាំងពីសតវត្សទី១១ ដែលជនជាតិអេហ្ស៊ីបនិយមប្រើ និងប្រទះឃើញមាននៅពាសពេញអឺរ៉ុប ។
១០-ប្រណាំងសំពៅដណ្តើមជើងឯកនៅអាមេរិក
ទេសភាពដ៏ស្រស់ស្អាតនៅក្បែរស្ពានហ្គោលដេនហ្គេត ខណៈពេលមានសំពៅពីនូវែលសេឡង់ (ឆ្វេង) បត់បង្វែរទិសស្របតាមខ្យល់ប្រជែងជាមួយសំពៅពីអាមេរិក (ស្តាំ) ក្នុងទីក្រុងសានហ្វ្រាន់សុីស្កូ សហរដ្ឋអាមេរិក ក្នុងកម្មវិធីប្រកួតអាមេរិកខាប់ លើកទី៣៤ ហើយជ័យជំនះបានទៅលើក្រុមអូរ៉ាឃើល របស់អាមេរិក៕
ចែករំលែកព័តមាននេះ