ខេត្តបាត់ដំបង ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានស្នើដល់សមត្ថកិច្ចពាក់ព័ន្ធទាំងអស់ផ្សព្វផ្សាយពន្យល់ប្រជាពលរដ្ឋឲ្យយល់ពីគោលនយោបា យភូមិឃុំមានសុវត្ថិភាពដល់គេហដ្ឋាន ។ ថ្លែងក្នុងពិធីបញ្ចុះសណ្ឌសីមាព្រះវិហារថ្មី…
ខេត្តបាត់ដំបង ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានស្នើដល់សមត្ថកិច្ចពាក់ព័ន្ធទាំងអស់ផ្សព្វផ្សាយពន្យល់ប្រជាពលរដ្ឋឲ្យយល់ពីគោលនយោបា យភូមិឃុំមានសុវត្ថិភាពដល់គេហដ្ឋាន ។ ថ្លែងក្នុងពិធីបញ្ចុះសណ្ឌសីមាព្រះវិហារថ្មី និងសម្ពោធសមិទ្ធផលនានា ក្នុងវត្តបុញ្ញខេត្ត នារាម ហៅវត្តអន្លង់តាម៉ុក ខេត្តបាត់ដំបង កាលពីថ្ងៃទី១១ ខែឧសភា សម្តេច ស ខេង បានស្នើដល់នគរបាល កម្លាំងប្រដាប់អាជ្ញាធរគណៈពង្រឹងឃុំ ធ្វើការផ្សព្វផ្សាយគោលនយោបាយភូមិ ឃុំមាន សុវត្ថិភាពដល់ប្រជាពលរដ្ឋឲ្យដឹងច្បាស់លាស់ ។
សម្តេចក៏បានអំពាវនាវដល់កម្លាំងសមត្ថកិច្ចពាក់ព័ន្ធទាំងអស់ ពិសេសនគរបាល កងរាជអាវុធហត្ថទាំងអស់ រដ្ឋបាលឃុំ ស្រុក ត្រូវផ្សព្វផ្សាយឲ្យប្រជាពលរដ្ឋបានយល់ពីគោលនយោបាយភូមិ ឃុំមាន សុវត្ថិភាពមានប៉ុន្មានចំណុច ដើម្បីរួមគ្នាទប់ស្កាត់អំពើផ្សេងៗដែលបំរុងនឹងកើតមានក្នុងមូលដ្ឋាន ។ សម្តេចបញ្ជាក់ថា«បើត្រូវការបោះពុម្ភចែកបោះទៅចែកឲ្យដល់ផ្ទះរបស់គាត់ ។ យើងពឹងសមត្ថកិច្ចយើងវាមួយផ្នែកក៏ប៉ុន្តែយើងគ្មានកម្លាំងសមត្ថកិច្ចនគរបាល ឬរាជអាវុធហត្ថរាយគ្រប់កន្លែងគ្រប់ភូមិនោះទេ» ។
សម្តេចក៏បានលើកឡើងថា ឲ្យថ្នាក់ដឹកនាំធ្វើការផ្សព្វផ្សាយអ្នកប្រជាការពារឲ្យពលរដ្ឋបានដឹង នឹងមានសិទ្ធិអំណាច និងភារកិច្ចយ៉ាងម៉េច ? ហើយប៉ុស្តិ៍នគរបាលភូមិយ៉ាងម៉េចហើយគោលនយោបាយភូមិមានសុវត្ថិភាពចំណុចអ្វីខ្លះត្រូវបានដឹង ។ សម្តេចក៏លើកឡើងថា បញ្ហានៅក្នុងភូមិឃុំ សុវត្ថិភាពមានពាក់ព័ន្ធគ្រឿងញៀន ស្បែងស៊ីសង ចោររកម្មជាដើម ។ សម្តេចក៏បានលើកឡើងថា សូមឲ្យការពារកុំគ្រឿងញៀនវាយលុកនៅក្នុងតំបន់របស់យើងព្រោះថា បើគ្រឿងញៀនវាយលុកនោះវានឹងធ្វើឲ្យធនធានមនុស្សសំខាន់យុវ័យត្រូវខូចខាតដោយសារធាតុញៀន និងបំផ្លាញប្រព័ន្ធសរសៃប្រាសាទ ។
បើកាលណាគ្រឿងញៀនចូលក្នុងខ្លួនហើយ បុគ្គលនោះគ្មានអនាគតទៀតទេ ហើយមិនត្រឹម តែប៉ុណ្ណឹងទេ វាប៉ះពាល់ដល់សង្គម ដោយសារគ្រឿងញៀន មិនអាចបន្សាបបាន ទាំងស្រុង នោះទេ ។ សម្តេចបញ្ជាក់ថា«គ្រឿងញៀនបើដាក់ទៅវាគ្មានបន្សាបទេ អីញ្ចឹងហើយកុំឲ្យវារាល ដាលមកដល់តំបន់ជនបទ ជាពិសេសនោះនៅតាមសាលារៀនកុំឲ្យមានបញ្ហាគ្រឿងញៀន»៕
ចែករំលែកព័តមាននេះ