ស្រាវជ្រាវនិងកំណត់ហើយ សិប្បកម្មទាំង​២​ ក៏ត្រូវឱ្យ​​បិទ​ទ្វារ​នៅ​ថ្ងៃ​នេះ..!


​រាជធានីភ្នំពេញ ​៖ ​អាជ្ញាធរ​ខណ្ឌ​ពោធិ៍​សែន​ជ័យ ​បាន​ស្រាវជ្រាវ​រក​ឃើញ​ទីតាំង​សិប្បកម្ម​ដែក​ដំឡើង​​ដង​សន្ទូច​សម្រាប់​បំពាក់​តាម​រថយន្ត​ស្ទូច​ទូ​កុងតឺន័រ​និង​សម្ភារធ្ងន់​ៗ​គ្រប់​ប្រភេទ ដែលពុំ​មាន​​ច្បាប់​អនុញ្ញាត ​រួម​ទាំង​​ទីតាំង​សិប្បកម្ម​កែ​ច្នៃ​គ្រឿង​ជ័រ​មួយ​កន្លែង​ផង ដែល​គ្មាន​ច្បាប់​អនុញ្ញាត​ដូច​គ្នា​ដែរ ​។ ​​សិប្បកម្ម​អត់​ច្បាប់​ទាំង​២​កន្លែង​នោះ​ មាន​ទីតាំង​ស្ថិត​នៅ​ក្នុងភូមិ​ទួល​សា​ម៉ សង្កាត់​កំ​បូល ខណ្ឌ​ពោធិ៍​សែន​ជ័យ រាជធានី​ភ្នំពេញ និង​ត្រូវ​បាន​កម្លាំង​គណៈ​បញ្ជាការ​ឯកភាព​ខណ្ឌ​ខុះ​បិទ​ផ្អាក​អាជីវកម្ម កាលពី​វេលា​ម៉ោង​៩​ន ិង​១០​នាទី​ថ្ងៃ​ទី​១១ ឧសភា នេះ ។

អាជ្ញាធរ​បាន​ឲ្យ​ដឹង​ថា សិប្បកម្ម​ដែល​ត្រូវ​បាន​កម្លាំង​ចុះ​បិទទ្វារ​ឈប់​ឲ្យ​ដំណើរការ​​បណ្ដោះអាសន្ន​ទាំង​២​កន្លែង​ ​ទី​១-​គឺជា​សិប្បកម្ម​ដែកដំឡង​ដងសន្ទូច ដែលមាន​យីហោ​«​នូវ​ធា​រី​»​និង​​ម្ចាស់​ឈ្មោះ នូវ ធា​រី អាយុ​៤០​ឆ្នាំ មាន​ទីលំនៅ​ផ្ទះ​លេខ​206k ផ្លូវ​62R ភូមិ​ទួល​គោក សង្កាត់​ទួល​សង្កែ ខណ្ឌ​ឬ​ស្សី​កែវ ​។ ​

សិប្បកម្ម​នេះ​ មិនមែន​ផលិត​ដងសន្ទូច​សម្រាប់​ស្ទូចត្រី​នោះ​ទេ គឺ​ដំឡងដងសន្ទូច​សម្រាប់​បំពាក់​តាម​រថយន្ត​ស្ទូច​ទូ​កុងតឺន័រ​និង​សម្ភារៈ​ធ្ងន់​ៗ​ផ្សេង​ៗ​នៅ​តាម​ក្រុមហ៊ុន​ដឹក​ជញ្ជូន ផែស្ងួត ឬ​ការដ្ឋាន​សំណង់​ជាដើម​។​ មិន​តែ​បុ​ណ្ណោះ ​ធ្វើ​អាជីវកម្ម​​នេះគ្មានច្បាប់​អនុ​ញ្ញ​ត្រឹមត្រូវ​ឡើយ ។ ​​កម្លាំង​បាន​ធ្វើការ​ដកហូត​យក​សម្ភារ​មួយ​ចំនួន​ដូច​ជា​ប៉ុស្តិ៍​ផ្សា ម៉ា​សុ​ី​ន​កាត់​ដែក ជាដើម​យក​ទៅ​រក្សា​ទុក​បណ្ដោះអាសន្ន ​នៅ​សាលា​ខណ្ឌ​ពោធិ៍​សែន​ជ័យ​។​

ដោយឡែក​ សិប្បកម្ម​មួយទៀត​ដែល​ត្រូវ​បាន​រក​ឃើញ​ថា​អត់​ច្បាប់​អនុញ្ញាត​ដែរ​នោះ ​គឺជា​សិប្បកម្ម​កែ​ច្នៃ​ជ័រ ​​មាន​ម្ចាស់​ឈ្មោះ​វង សាយ ភេទ​ប្រុស ​ទីតាំង​ស្ថិត​នៅ​ក្នុងភូមិ​ទួ​ស​សា​ម៉ សង្កាត់​កំ​បូល ជិត​សិប្បកម្ម​ដែក​ដំឡើង​ដងសន្ទូច​នោះ​ដែរ​ ។​ ​

ប្រភព​ដដែល​​បន្ត​ថា នៅ​មុន​ពេល​ឈាន​ដល់​ការ​ចុះ​បិទ​ផ្អាក​អាជីវកម្ម​សិប្បកម្ម​ទាំង​២ កម្លាំង​បាន​ធ្វើការ​ស្រាវជ្រាវ​​ជាយូរមកហើយ​។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ