រន្ធត់​ហួស​! រលំ​ប្រាវ​ខ្ទេច​ហើយ ចុះ​មនុស្ស​យ៉ាងណា​ទៅ


រាជធានី​ភ្នំពេញ ៖ តាម​សេចក្តីរាយការណ៍​បឋម​បាន​ឲ្យ​ដឹង​ថា មាន​ករណី​ខ្យល់​កន្ត្រាក់​មួយ​ប្រាវ​ធ្វើ​ឲ្យ​ដួល​រលំ​អគារ​រោងចក្រ​ដែល​សង់​ពី​ដែក​ប្រក់​ស័ង្កសី មាន​បណ្តោយ​ប្រហែល​៥០​ម៉ែត្រ​ជាង និង​ទទឹង​ប្រហែល​២០​ម៉ែត្រ​ជាង ដែល​បណ្តាល​ឲ្យ​សង្កត់​កម្មករ​សំណង់​៣​នាក់ ធ្ងន់​ម្នាក់ និង​ស្រាល​២​នាក់ នៅ​វេលា​ម៉ោង​១​និង​៣៥​នាទី​ថ្ងៃ​ទី​១០ ខែឧសភា​នេះ នៅ​តាម​បណ្តា​យ​ផ្លូវ​៥០​ម៉ែត្រ ឃុំ​ពាម ខណ្ឌដង្កោ រាជធានី​ភ្នំពេញ ។

សេ​ក្តី​រាយការណ៍​បាន​បន្ត​ថា ករណី​រលំ​នេះ គឺ​ប៉ះ​ចំ​ឃ្លាំង​ដែល​សាងសង់​មិន​ទាន់​ហើយ​មាន​កម្មករ​ធ្វើការ​ក្នុង​ហ្នឹង​ជា​ច្រើន​នាក់ ប៉ុន្តែ​ខណៈ​ពេល​មាន​ភ្លៀង​នោះ​កម្មករ​បាន​សម្រាក​ហូប​បាយ​ហើយ ដោយឡែក​មាន​តែ​៣​នាក់ ដែល​បាន​នៅ​ក្នុង​ឃ្លាំង​ខាងលើ​នោះ​ខណៈ​មេឃ​កំពុង​តែ​ភ្លៀង ហើយ​ក៏​បាន​រលំ​ត្រូវ​របួស​តែ​ម្តង ។

ចុះបើ​សិន​ចាំ​ពេល​កម្មករ​កំពុង​តែ​ធ្វើការ​វិញ មិនដឹង​ជា​របួស​មនុស្ស​ច្រើន​ប៉ុណ្ណា​ទៅ​នេះ ។ ក្នុង​នោះ​ករណី​នេះ​មានការ​ខូចខាត​រថយន្ត​២​គ្រឿង និង​ម៉ូតូ​១​គ្រឿង​ផង​ដែរ ដែល​ត្រូវ​ដែក​សង្កត់ពីលើ​យ៉ាងដំណំ ៕

Facebook Google Twitter Email

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ