ខេត្តឧត្តរមានជ័យ ៖ កម្លាំងអាវុធហត្ថស្រុកអន្លង់វែងបានធ្វើការបង្ក្រាបជួញដូរនឹងប្រើប្រាស់គ្រឿងញៀន២ករណីដាច់ដោយឡែកនៅក្នុងស្រុកអន្លង់វែងមួយករណីឃាត់ខ្លួន៣នាក់ និងឈានទៅបង្ក្រាបឃាត់ខ្លួនបុរស៣នាក់ផ្សេងទៀត ក្នុងស្រុកត្រពាំងប្រាសាទមួយករណីដែលមានរយៈពេល២ថ្ងៃ ក្នុងថ្ងៃទី៧នឹងថ្ងៃទី៨ ឧសភា ២០១៩ ។ ជនសង្ស័យដែលកម្លាំងប៉េអឹមស្រុកអន្លង់វែងឃាត់ខ្លួនមាន១…
ខេត្តឧត្តរមានជ័យ ៖ កម្លាំងអាវុធហត្ថស្រុកអន្លង់វែងបានធ្វើការបង្ក្រាបជួញដូរនឹងប្រើប្រាស់គ្រឿងញៀន២ករណីដាច់ដោយឡែកនៅក្នុងស្រុកអន្លង់វែងមួយករណីឃាត់ខ្លួន៣នាក់ និងឈានទៅបង្ក្រាបឃាត់ខ្លួនបុរស៣នាក់ផ្សេងទៀត ក្នុងស្រុកត្រពាំងប្រាសាទមួយករណីដែលមានរយៈពេល២ថ្ងៃ ក្នុងថ្ងៃទី៧នឹងថ្ងៃទី៨ ឧសភា ២០១៩ ។
ជនសង្ស័យដែលកម្លាំងប៉េអឹមស្រុកអន្លង់វែងឃាត់ខ្លួនមាន១ -ឈ្មោះហ៊ាន លឹមហាន ភេទប្រុស អាយុ២៥ឆ្នាំ មុខរបរធ្វើស្រែ រស់នៅភូមិអូរចិញ្ជៀន ឃុំអន្លង់វែង ស្រុកអន្លង់វែង ២-ឈ្មោះវ៉ាន សុភិន ភេទប្រុស អាយុ៣៩ឆ្នាំ មុខរបរធ្វើស្រែ រស់នៅភូមិទួលកណ្តាល ឃុំត្រពាំងប្រី ស្រុកអន្លង់វែង ៣-ឈ្មោះភុំ ហេង ភេទប្រុស អាយុ២៩ឆ្នាំ មុខរបរធ្វើស្រែ រស់នៅភូមិអូរចិញ្ជៀន ឃុំអន្លង់វែង ស្រុកអន្លង់វែង ។
សមត្ថកិច្ចដកហូតបានវត្ថុតាងថ្នាំញៀនម្ស៉ៅក្រាម ពណ៌សរ (ម៉ាទឹកក) ចំនួន១ថង់ធំ និង៤ថង់តូចស្មើ២១,៤៤ក្រាម ទូរស័ព្ទដៃ២គ្រឿង ជញ្ជីងសម្រាប់ថ្លឹងចំនួន១ ម៉ូតូ២គ្រឿង (ម៉ាកវ៉េវRSXពណ៌ខ្មៅ គ្មានស្លាកលេខ ម៉ាកស្មាស់ REVO ពណ៌ខ្មៅប្រដាប់ជក់មួយចំនួនទៀត ហេតុការណ៍បង្ក្រាបករណីទី១ ស្ថិតនៅក្នុងភូមិទួលកណ្តាល ឃុំត្រពាំងប្រីយ៍ ស្រុកអន្លង់វែង កាលពីវេលាម៉ោង៦និង៣០នាទីល្ងាច ថ្ងៃទី៧ ឧសភា ២០១៩ ។
កម្លាំងអាវុធហត្ថស្រុកអន្លងវែងបានឈានបន្តទៅឃាត់ខ្លួនជនសង្ស័យមួយករណីទៀតឃាត់ខ្លួន២នាក់ មាន១- ឈ្មោះវ៉ាន់ សឹង្ហា ភេទប្រុស អាយុ២២ឆ្នាំ មុខរបររត់តាក់ស៊ី រស់នៅភូមិត្រពាំងប្រាសាទ ឃុំត្រពាំងប្រាសាទ ស្រុកត្រពាំងប្រាសាទ ២-ឈ្មោះសន គឹមសេង ភេទប្រុស អាយុ២០ឆ្នាំ មុខរបរជាងសិប្បកម្ម រស់នៅភូមិឃុំជាមួយគ្នា ។ សមត្ថកិច្ចដកហូតវត្ថុតាង ម្ស៉ៅក្រាម ពណ៌ស (ម៉ាទឹកកក) ចំនួន២៥កញ្ចប់តូច ស្មើ(3.91ក្រាម ដាវចំនួន២ដើម ម៉ូតូវេវពណ៌ខ្មៅ គ្មានស្លាកលេខ១គ្រឿង ទូរសព្ទ័ដៃចំនួន២គ្រឿង ជញ្ជីងសម្រាប់ថ្លឹងថ្នាំញៀន ប្រាក់ខ្មែរចំនួន២សែនរៀល ប្រដាប់ជក់មួយចំនួនទៀត ហេតុការឈានទៅធ្វើការបង្ក្រាបករណីទី២ កាលពីព្រឹកថ្ងៃទី៨ ឧសភា ២០១៩ ក្នុងភូមិឃុំត្រពាំងប្រាសាទ ខេត្តឧត្តរមានជ័យ ។
លោកវរសេនីយទោងួន ទ្ធីរិទ្ធ មេបញ្ជាការអាវុធហត្ថស្រុកអន្លង់វែងបានឱ្យដឹងថា មុនពេលធ្វើការឃាត់ខ្លួនជនសង្ស័យទាំង៥នាក់នេះកម្លាំងអាវុធហត្ថបានធ្វើការស៊ើបអង្កេតជាយូរថ្ងៃ ក្រោយមកកម្លាំងបានរាយការណ៍មកថា ជនសង្ស័យ៣នាក់ កំពុងចែកចាយថ្នាំញៀនលោកបានដឹកនាំកម្លាំងចុះបង្ក្រាបភ្លាមៗឃាត់ខ្លួនបាន៣នាក់ រួមទាំងវត្ថុតាងនាំខ្លួនមកទីបញ្ជាការអាវុធហត្ថស្រុកសាកសួរចម្លើយនឹងឈានបន្តទៅឃាត់ខ្លួន២នាក់ផ្សេងទៀត ដោយសហការកម្លាំងអាវុធហត្ថស្រុកត្រពាំងប្រាសាទ ។
លោកវរសេនីយទោងួន ទ្ធីរិទ្ធ បានបញ្ជាក់ថា យោងតាមចម្លើយជនសង្ស័យបានសារ ភាពថា ខ្លួនពិតជាបានប្រព្រឹត្តជួញដូរ និងប្រើប្រាស់មែន ហើយយោងទៅលើវត្ថុតាងកម្លាំងជំនាញអាវុធហត្ថបានកសាងសំណុំរឿង ជនសង្ស័យទាំង៥នាក់រួមជាមួយវត្ថុតាងបញ្ជូនទៅតុលាការអមសាលាដំបូងខេត្តឧត្តរមានជ័យចាត់ការទៅតាមនីតិវិធីច្បាប់ ៕
ចែករំលែកព័តមាននេះ