រដ្ឋធានីវ៉ាស៊ីនតោន៖ យោងតាមសេចក្តីរាយការណ៍របស់ភ្នាក់ងារសារព័ត៌មាន Reuters ដែលបានចេញកាលពីថ្ងៃអាទិត្យកន្លងមកបានឲ្យដឹងថា ក្រុមហ៊ុន Boeing មិនាបានប្រាប់ដល់មន្ត្រីអាមេរិកប្រមាណ១ឆ្នាំថាពួកគេបានចេញការព្រមានដល់អ្នកបើកបរយន្តហោះទាក់ទិននឹងបញ្ហាយន្តហោះ 737 MAX ។
ក្រុមហ៊ុនផលិតយន្តហោះអាមេរិកនេះបានព្យាយាមជាច្រើនសប្តាហ៍មកហើយក្នុងការរុញច្រានការចោទប្រកាន់ថាពួកគេបង្ខំឲ្យក្រុមហ៊ុនអាកាសចរណ៍ចំណាយលើផ្នែកសុវត្ថិភាពយន្តហោះបន្ទាប់ពីមានការលេចចេញមកថាពួកគេបានចេញសេចក្តីព្រមានទាក់ទិននឹងបញ្ហានៃប្រព័ន្ធ Angle of Attacks លើយន្តហោះ 737 MAX ។
ទិន្នន័យ Angle of Attack គឺចាទិន្នន័យបានពីប្រព័ន្ធដែលវាស់ជ្រុងនៃស្លាបយន្តហោះដែលហោះកាត់ខ្យល់។ វាត្រូវបានសង្ស័យថាដើរតួក្នុងការបង្កបញ្ហាដល់កម្មវិធី Software ដែលបង្កឲ្យយន្តហោះហោះចុះក្រោមរហូតដល់ធ្លាក់ ។ Boeing បាននិយាយក្នុងសេចក្តីថ្លែងការណ៍មួយថា ពួកគេបានប្រទះឃើញក្នុងឆ្នាំ ២០១៧ ថាប្រព័ន្ធ AOA Disagree មានបញ្ហាប៉ុន្តែវាមិនប៉ះពាល់ដល់ទិន្នន័យសំខាន់ៗរបស់យន្តហោះទេ ។
មន្ត្រីរដ្ឋបាលវិស័យអាកាសចរណ៍សហព័ន្ធ (FAA) បានប្រាប់ដល់ Reuters កាលពីថ្ងៃអាទិត្យថា Boeing បានរងចាំ ១៣ខែមុននឹងប្រាប់ដល់ភ្នាក់ងារខ្លួននៅខែវិច្ឆិកាឆ្នាំ ២០១៨ ។
Boeing បាននិយាយថា គណៈកម្មាធិការត្រួតពិនិត្យសុវត្ថិភាពមួយបានសម្រេចថាបញ្ហានេះមិនចាំបាច់សម្រាប់ការបើកបរយន្តហោះដឹកអ្នកដំណើរធម្មតាទេ ហើយវាអាចដោះស្រាយបានដោយគ្រាន់តែធ្វើការ Update ប្រព័ន្ធ ។
FAA បានគាំទ្ររង្វាយតម្លៃនេះប៉ុន្តែនៅតែរិះគន់ Boeing ទាក់ទិននឹងការពន្យាពេលក្នុងការប្រកាសពីព័ត៌មាននេះដដែល ៕
ចែករំលែកព័តមាននេះ