ខេត្តកណ្តាល៖ យុវសិស្សថ្នាក់ទី១២ ចំនួន០២នាក់ រៀននៅវិទ្យាល័យ ហ៊ុន សែន សេរីភាព ស្ថិតនៅក្រុងតាខ្មៅ បានត្រូវរថយន្តកូរ៉េចំណុះ២,៥តោន បើកបុកកិនអូសបណ្តាលឲ្យធ្លាយខួរ បែកថ្លើមស្លាប់ភាមៗគួរឲ្យរន្ឋត់នៅលើទ្រូង ។
ហេតុការណ៏នេះបានកើតឡើងនៅម៉ោង២និង២០នាទីរសៀលថ្ងៃទី១១ វិច្ឆិកា ២០១៣ នៅលើផ្លូវលេខ១០៧ មុខវិទ្យាល័យ ហ៊ុន សែន សេរីភាព ។
សមត្ថកិច្ចនៅមិនទាន់សន្និដ្ឋានថា យុវសិស្សទំាងពីរនាក់ដែលស្លាប់នោះ ដើរឆ្លងថ្នល់ ឬ យ៉ាងណានោះនៅឡើយទេ ប៉ុន្តែសាក្សីខ្លះថា យុវសិស្សទំាងពីរនាក់ដើរលើចិញ្ចើមផ្លូវ ហើយរថយន្តបង្កគេចរថយន្តផ្សេងមួយទៀត ក៏បុកតែម្តង ។
ចំណែកអ្នកបើកបរបានរត់គេចខ្លួនបាត់ ក្រោយកើតហេតុ ។ ជនរងគ្រោះទំាងពីរនាក់ ម្នាក់ឈ្មោះ ហ៊ុន សៀកលាង ភេទប្រុស និង ឈ្មោះ ពៅ ធីតា អ្នកទំាងពីររស់នៅឃុំស្វាយរលំ ស្រុកស្អាង ។ សាកសព ត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណីរៀងៗខ្លួន ៕
ចែករំលែកព័តមាននេះ