ខេត្តកំពត ៖ មានករណីរថយន្តធុនធំមួយគ្រឿងមានដឹកគ្រែនិងដឹកសម្ភារះផ្សេងទៀត ធ្វើដំណើរចុះពីលើភ្នំបូកគោ បានបើកធ្លាក់ផ្លូវធ្លាក់ចុះទៅក្រោមប្រហែល50ម៉ែត្រ កាលពីវេលាម៉ោង6យប់ថ្ងៃទី9 ខែឧសភា ឆ្នាំ2026។ បន្ទាប់ពីកើតហេតុ មិនអាចយកសពអ្នកបើកបរ…
ខេត្តកំពត ៖ មានករណីរថយន្តធុនធំមួយគ្រឿងមានដឹកគ្រែនិងដឹកសម្ភារះផ្សេងទៀត ធ្វើដំណើរចុះពីលើភ្នំបូកគោ បានបើកធ្លាក់ផ្លូវធ្លាក់ចុះទៅក្រោមប្រហែល50ម៉ែត្រ កាលពីវេលាម៉ោង6យប់ថ្ងៃទី9 ខែឧសភា ឆ្នាំ2026។
បន្ទាប់ពីកើតហេតុ មិនអាចយកសពអ្នកបើកបរ មកធ្វើបុណ្យបានភ្លាមៗនោះទេ ដោយសាតែភ្លៀងធ្លាក់ជោគជាំខ្លាំង ពិបាកក្នុងចូលចុះទៅយក ។ តែដោយសារការអន្ទះសារបស់ក្រុមគ្រួសារសាច់ញាតិរបស់ជនរងគ្រោះ ក៏បានជួលក្រុមកម្មកជំនាញចុះទៅកាត់ដែករថយន្តដែលកៀបជាប់អ្នកបើកបរ ហើយយកសពចេញមកបាននៅវេលាម៉ោងជិត4ទៀបភ្លឺថ្ងៃទី11 ខែឧសភា ឆ្នាំ2026 ។
នេះបើយោងតាមការអោយដឹងពីក្រុមគ្រួសារសាច់ញាតិនៃសពថា គិតទាំងដឹកសពមកដល់ផ្ទះផងមានរយះពេល36ម៉ោង ។
ជនរងគ្រោះឈ្មោះព្រំ ចាន់ថន ភេទប្រុស អាយុ42ឆ្នាំ ជាអ្នកបើកបររថយន្ត រស់នៅភូមិកោះម៉ាក់ប្រាំង ឃុំបឹងសាលាខាងជើង ស្រុកកំពង់ត្រាច ខេត្តកំពត។
រថយន្តធុនធំមួយគ្រឿងដែលជួបគ្រោះថ្នាក់ខាងលើ ពាក់ស្លាកលេខ ភ្នំពេញ 3C-1231 ។
សពត្រូវបានរៀបចំធ្វើបុណ្យតាមប្រពៃណីនៅឯផ្ទះ ក្នុងភូមិកោះម៉ាក់ប្រាំង ។
បច្ចប្បន្ន រថយន្តមួយគ្រឿងខាងលើត្រូវបានទុកចោលនៅកន្លែងកើតហេតុ នៅភ្នំបូកគោ ចំណែកមូលហេតុ អាចបណ្តាលមកពីរថយន្តដាច់ហ្វ្រាំងផងក៍មិនដឹង ព្រោះមានការសន្និដ្ឋានខុសៗគ្នា ។ ម្យ៉ាងទៀតអ្នកបើកបរនៅក្នុងរថយន្តនោះមានតែម្នាក់ឯង ៕
ចែករំលែកព័តមាននេះ