សហរដ្ឋអាមេរិក ៖ បណ្ដាសារព័ត៌មានក្នុងស្រុកដែលដកស្រង់សម្ដីបណ្ដាភ្នាក់ងារសង្គ្រោះរាយការណ៍ថា មនុស្ស២នាក់បានត្រូវស្លាប់ ហើយ៤នាក់ទៀតរងរបួស កាលពីរសៀលថ្ងៃទី៣០មេសា ដោយសារការបាញ់ប្រហារក្នុងបរិវេណសាកលវិទ្យាល័យCHARLOTTEរដ្ឋការ៉ូលីនខាងជើង។
តាមទូរទស្សន៍NBCថា អ្នករបួស២នាក់ស្ថិតក្នុងសភាពធ្ងន់ធ្ងរ រួចជនសង្ស័យត្រូវចាប់ខ្លួន។ បណ្ដានិស្សិតរៀបរាប់ថា ក្នុងបរិវេណសាកលវិទ្យាល័យពេលបាញ់ប្រហារ មានមនុស្សច្រើនកុះករ ព្រោះក្នុងស្តាតសាកលវិទ្យាល័យមានការប្រកួតកីឡាមួយ។
យោងតាមប៉ូលិសថាទីតាំងនោះត្រូវការពារ ហើយមនុស្សម្នាក់ត្រូវចាប់ខ្លួន ហើយហាក់ពុំមានមនុស្សណាផ្សេងទៀត ចូលរួមធ្វើសកម្មភាពជាមួយជននេះឡើយ។ តាមបណ្ដាសារព័ត៌មានក្នុងស្រុកថា ជនសង្ស័យដែលចាប់ខ្លួនជានិស្សិតខាងប្រវត្តិវិទ្យាអាយុ២២ឆ្នាំម្នាក់ ដែលបោះបង់ចោលការសិក្សា ក្នុងសាកលវិទ្យាល័យនេះ។ អ្នកស្លាប់ទាំង២នាក់ជានិស្សិត ម្នាក់អាយុ១៧ឆ្នាំនិងម្នាក់ទៀតអាយុ១៨ឆ្នាំ៕
ចែករំលែកព័តមាននេះ