រាជធានីភ្នំពេញ ៖ ស្ត្រីម្នាក់បានក្អួតឈាមស្លាប់ភ្លាមៗនៅមុខផ្ទះអ្នកលក់ថ្នាំពេទ្យដោយសារជម្ងឺរាំរ៉ៃ ដែលហេតុការណ៍បានបង្កឲ្យមានការភ្ញាក់ផ្អើលនេះកើតឡើងកាលពីវេលាម៉ោង៧និង៤៥នាទីព្រឹកថ្ងៃទី១ ខែឧសភា នៅតាមបណ្ដោយផ្លូវលេខ១៧០ ស្ថិតក្នុងសង្កាត់អូរឬស្សីទី១ ខណ្ឌ៧មករា រាជធានីភ្នំពេញ ។…
រាជធានីភ្នំពេញ ៖ ស្ត្រីម្នាក់បានក្អួតឈាមស្លាប់ភ្លាមៗនៅមុខផ្ទះអ្នកលក់ថ្នាំពេទ្យដោយសារជម្ងឺរាំរ៉ៃ ដែលហេតុការណ៍បានបង្កឲ្យមានការភ្ញាក់ផ្អើលនេះកើតឡើងកាលពីវេលាម៉ោង៧និង៤៥នាទីព្រឹកថ្ងៃទី១ ខែឧសភា នៅតាមបណ្ដោយផ្លូវលេខ១៧០ ស្ថិតក្នុងសង្កាត់អូរឬស្សីទី១ ខណ្ឌ៧មករា រាជធានីភ្នំពេញ ។
ជនរងគ្រោះដែលស្លាប់ឈ្មោះ មុត ស្រី ភេទស្រី អាយុ៥៣ឆ្នាំ មានទីលំនៅផ្ទះជួលលេខ៣២អឺ៣ ផ្លូវលេខ១១១ សង្កាត់អូឬស្សីទី១ ខណ្ឌមករា ។
តាមប្រភពពីឈ្មោះ គង់ បូហា ត្រូវជាប្តីរបស់ស្ត្រីរងគ្រោះបានរៀបរាប់ប្រាប់សមត្ថកិច្ចថា មុនកើតហេតុ ពួកគាត់ពីរនាក់ប្តីប្រពន្ធកំពុងលក់គុយទាវដូចសព្វមួយដង ស្រាប់តែនៅវេលាម៉ោងខាងលើនោះ ប្រពន្ធបានប្រាប់គាត់ថា ចេះតែឈឺមួយចំហៀងខ្លួន និងឈឺអស់រយៈពេលជាង២ខែមកហើយ ប៉ុន្តែចេះតែទ្រាំទៅ ដោយថ្ងៃទ្រាំលែងបាន ទើបប្រពន្ធឱ្យគាត់ជាប្តីជូនទៅផ្ទះពេទ្យ ដើម្បីរកទិញថ្នាំលេប ។
តាមប្រភពដដែលបានបន្តថា លុះពេលគាត់ជូនប្រពន្ធទៅដល់មុខផ្ទះអ្នកលក់ថ្នាំពេទ្យ ស្រាប់តែប្រពន្ធរបស់គាត់បានដួលលើផ្លូវ ហើយក៏ក្អួតធ្លាក់ឈាមយ៉ាងច្រើន ធ្វើឲ្យមានការភ្ញាក់ផ្អើលដល់អ្នកជិតខាងនាំគ្នាជួយរឹត និងធ្វើចលនាឱ្យដែរ និងសូម្បីតែរថយន្តសង្គ្រោះបន្ទាន់របស់មន្ទីរពេទ្យក៏មកមិនទាន់ផង ស្រាប់តែប្រពន្ធរបស់គាត់បានស្លាប់នៅលើផ្លូវតែម្តង ។
ក្រោយកើតហេតុ សមត្ថកិច្ចបានចុះទៅពិនិត្យ ដោយបានបញ្ជាក់ថា ជនរងគ្រោះពិតជាស្លាប់ដោយសារជម្ងឺប្រចាំកាយប្រាកដ ទើបប្រគល់សពជនរងគ្រោះជូនក្រុមគ្រួសារ និងសាច់ញាតិដើម្បីយកទៅធ្វើបុណ្យតាមប្រពៃណី៕
ចែករំលែកព័តមាននេះ