រាជធានីភ្នំពេញ ៖ លោកជិន ម៉ាលីន អ្នកនាំពាក្យគណៈកម្មាធិការសិទ្ធិមនុស្សកម្ពុជា និងក្រសួងយុត្តិធម៌ បានថ្លែងប្រាប់អ្នកសារព័ត៌មានក្រោយជំនួបរវាងលោកស្រីរ៉ូណា ស្មីត អ្នករាយការណ៍ពិសេសរបស់ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស កាលពីថ្ងៃទី៣០…
រាជធានីភ្នំពេញ ៖ លោកជិន ម៉ាលីន អ្នកនាំពាក្យគណៈកម្មាធិការសិទ្ធិមនុស្សកម្ពុជា និងក្រសួងយុត្តិ
ធម៌ បានថ្លែងប្រាប់អ្នកសារព័ត៌មានក្រោយជំនួបរវាងលោកស្រីរ៉ូណា ស្មីត អ្នករាយការណ៍ពិសេសរបស់ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស កាលពីថ្ងៃទី៣០ មេសា នៅស្នាក់ការគណៈកម្មាធិការធិការសិទ្ធិមនុស្សកម្ពុជាថា នេះជាជំនួបលោកលើទី៧ រវាងលោកស្រីរ៉ូណា ស្មីត ជាមួយលោកកែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា ដោយលោកស្រីបានអះអាងពីការតាមដានអនុសាសន៍កាលពីចុងឆ្នាំ២០១៨ដែលបានដាក់ជូនកម្ពុជាថា បានអនុវត្តយ៉ាងណាខ្លះដែរ រីកចម្រើន និងមានបញ្ហាប្រឈម និងដោះស្រាយបញ្ហាប្រឈមយ៉ាងណាខ្លះ ?
លោកជិន ម៉ាលីន បានលើកឡើងថាលោកស្រីបានលើកឡើងនោះទាក់ទងនឹងយន្តការសរសេរបាយការណ៍ ។ លោកស្រីថា កម្ពុជាជាសមាជិករបស់អ.ស.បមាននាទីទទួលយកនូវអនុសាសន៍នានារបស់អ.ស.ប ។ ក្នុងនោះលោកស្រីបានស្នើឲ្យយើងបន្តចុះតាមដានពិនិត្យលើសិទ្ធិមនុស្សនៅតាមពន្ធនាគារ និងពង្រីកមន្ទីរឃុំឃាំងបន្ថែមទៀត ។
លោកស្រីរ៉ូត ណាស្មីត បានលើកឡើងដោយវាយតម្លៃថាកម្ពុជាបានដាក់របាយការណ៍ទាន់ពេលវេលាមិនយឺតយ៉ាវទៀតទេ ។ លោកស្រីស្វាគមន៍ចំពោះការពង្រីកការចុះត្រួតពិនិត្យពីស្ថានភាពសិទ្ធិមនុស្សនៅតាមមណ្ឌលឃុំឃាំងផ្សេងៗទៀត ។
លោកស្រីបានលើកទឹកចិត្តឲ្យបន្តអនុវត្តការងារនេះទៅមុខទៀត និងបានផ្តល់អនុសាសន៍បន្ថែមថាការធ្វើរបាយការណ៍នេះឲ្យមានកាលវិភាគច្បាស់លាស់ជាងមុនថារបាយការណ៍នេះត្រូវបញ្ចប់នៅពេលណា និងធ្វើយ៉ាងណា ។លោកស្រីរ៉ូត ណាស្មីត បានបញ្ជាក់ថាដំណើរទស្សនកិច្ចរបស់លោកស្រីមិនបានផ្តោតលើបញ្ហានយោបាយ ឬការវិវឌ្ឍបញ្ហានយោបាយនៅកម្ពុជានោះទេ ។ លោកស្រីផ្តោតតែលើការងារបច្ចេកទេសនៃការអនុវត្តសិទ្ធិសេរីភាពនៅកម្ពុជាប៉ុណ្ណោះ ។
ពាក់ព័ន្ធទៅនឹងរបាយការណ៍ត្រួតពិនិត្យជាសាកលតាមកំណត់លើកទី៣ នៃកិច្ចប្រជុំកាលពីថ្ងៃទី៣០ មករា កន្លងទៅ ប្រទេសកម្ពុជាបានទទួលយកអនុសាសន៍ចំនួន១៧៣ និងកត់សម្គាល់ចំនួន២៥ ក្នុងចំណោមអនុសាសន៍ចំនួន១៩៨ ពីប្រទេសចំនួន៧៣ ។ អនុសាសន៍ទាំងនេះត្រូវបានយកទៅអនុវត្ត ដោយស្ថាប័នពាក់ព័ន្ធនានារបស់រដ្ឋាភិបាល ដែលចំណុចនេះ លោកស្រីរ៉ូណា ស្មីតបង្ហាញការសរសើរដោយសារកម្ពុជាអនុវត្តកាតព្វកិច្ចជាអន្តរជាតិបានល្អ និងទាន់ពេលវេលា ។ នេះបើតាមលោក ជិន ម៉ាលីន ។
លោកស្រីរ៉ូណា ស្មីត បានលើកមកជជែកផងដែរ ដោយជំរុញឲ្យប្រទេសកម្ពុជាមាន ដំណោះស្រាយជុំ
វិញការចង្អៀតណែននៃពន្ធនាគារ ពង្រីកបន្ថែមមណ្ឌលអប់រំ កែប្រែនិងស្តារនីតិសម្បទា អ្នកញៀនគ្រឿងញៀន ។
ដោយមិនមានបរិយាកាសតឹងសរសៃកដាក់គ្នា លោកជិន ម៉ាលីន បញ្ជាក់ទៅកាន់លោក ស្រីរ៉ូណា ស្មីត ថាក្រសួងមហាផ្ទៃ និងក្រសួងយុត្តិធម៌ កំពុងតែធ្វើការងារជុំវិញអនុសាសន៍នៃការចង្អៀតណែនមណ្ឌលអប់រំកែប្រែ និងពន្ធនាគារ ដោយមានការបង្កើតក្រុមការងារមួយ គឺជាក្រុមការងារដែលឆ្លើយតប
ទៅនឹងអនុសាសន៍ប្រកបដោយភាពប្រញាប់ប្រញាល់ ។
អ្នករាយការណ៍ពិសេសអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា លោកស្រីរ៉ូណា ស្មីត បានមកបំពេញទស្សនកិច្ចនៅប្រទេសកម្ពុជា ចាប់ពីថ្ងៃទី២៩ ខែមេសា ដល់ថ្ងៃទី៩ ខែឧសភា ឆ្នាំ២០១៩ ។ ការិយាល័យឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្ស ប្រចាំកម្ពុជា ឲ្យដឹងថា ទស្សន
កិច្ចរបស់ លោកស្រីស្មីតផ្តោតទៅលើស្ថានភាពសិទ្ធិមនុស្ស នាពេលបច្ចុប្បន្ន និងតាមដានពីដំណើរវិវឌ្ឍនានាចាប់តាំងពីបេសកកម្មរបស់លោកស្រីកាល ពីខែវិច្ឆិកា ។
កាលពីថ្ងៃចន្ទលោកស្រីរ៉ូ ណាស្មីត បានជួបជាលើកដំបូងនៃទស្សនកិច្ចលើកទី៧របស់លោកស្រីនៅកម្ពុជា ជាមួយនឹងក្រុមអង្គការសង្គមស៊ីវិលនានា ដោយមានការត្អូញត្អែរពីសិទ្ធិសេរីភាពរបស់អង្គការ សមាគមក្នុងការធ្វើសកម្មភាពរបស់ពួកគេ ៕
ចែករំលែកព័តមាននេះ