រាជធានីភ្នំពេញ ៖ លោកតាវ័យចំណាស់ម្នាក់ ត្រូវបានពលរដ្ឋប្រទះឃើញអង្គុយក្រោមត្របែកព្រៃ សង្ស័យកូនយកមកប្លុងចោល ។ ហេតុការណ៍នេះ បង្កភ្ញាក់ផ្អើលនាវេលាម៉ោង១រសៀល ថ្ងៃទី១៥ ខែតុលា…
រាជធានីភ្នំពេញ ៖ លោកតាវ័យចំណាស់ម្នាក់ ត្រូវបានពលរដ្ឋប្រទះឃើញអង្គុយក្រោមត្របែកព្រៃ សង្ស័យកូនយកមកប្លុងចោល ។
ហេតុការណ៍នេះ បង្កភ្ញាក់ផ្អើលនាវេលាម៉ោង១រសៀល ថ្ងៃទី១៥ ខែតុលា ឆ្នាំ២០២៥ លើសួនច្បារក្បែររវង្វង់មូលគួចកាណុង ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
តាមការបញ្ជាក់ពីមន្ត្រីជំនាញ បានអោយដឹងថា គាត់ឃើញលោកតាវ័យចំណាស់ម្នាក់បានអង្គុយដើមត្របែកព្រៃ ចាប់តាំងពីព្រឹកព្រលឹមស្រាងៗមកម្ល៉េះ ពួកគាត់នឹងស្មានថា លោកតាខាងលើគាត់អង្គុយសម្រាក បន្ទាប់ពីហាត់ប្រាណ ។ រហូតមកដល់វេលាម៉ោងជាង១០ព្រឹក មិនឃើញលោកតាទៅណាសោះ ភ្លាមៗនគរបាលគោលដៅចរាចរណ៍គួចណុង បានដើរមកសួរនាំដែរ ប៉ុន្តែលោកតានិយាយមិនកើត តែគាត់ស្តាប់បាន ដោយមិនដឹងត្រូវធ្វើយ៉ាងណា សមត្ថកិច្ចបានទាក់ទងទៅកាន់គណៈបញ្ជាការឯកភាពខណ្ឌដូនពេញ ដើម្បីទាក់ទងរថយន្តពេទ្យកាល់ម៉ែត្រ ចុះមកកាន់ទីតាំងខាងលើ ។
ប្រភពពីប្រជាពលរដ្ឋបានអោយដឹងថា ពួកគាត់ គឺសង្ស័យថា មានតែកូនៗរបស់លោកតាខាងលើនេះយកមកប្លុងចោលទេ ព្រោះថាលោកតាគាត់ដើរមិនរួចនោះទេ ហើយថែមទាំងនិយាយមិនកើតទៀត ប៉ុន្តែលោកតាគ្រាន់តែស្តាប់បានតែប៉ុណ្ណោះ ។
បច្ចុប្បន្ន លោកតាចំណាស់ខាងលើត្រូវបានក្រុមគ្រូពេទ្យកាល់ម៉ែត្រ ដឹកយកទៅសម្រាកជាបណ្តោះអាសន្ន ៕
ចែករំលែកព័តមាននេះ