ស្ងាត់​ៗ​មានអី​ទៅ​ដល់​បែកធ្លាយ​លួចលាក់​យូរហើយ​តាម​ពិត​ខាងក្នុង​សុទ្ធតែ​…


រាជធានី​ភ្នំពេញ ៖ ទីតាំង​ម៉ាស្សា​២​កន្លែង មាន​បង្កប់​សេវា​បម្រើ​ផ្លូវភេទ​យ៉ាង​ពេញបន្ទុក និង​គ្រប់គ្រង​ដោយ​ថៅកែ​ជនជាតិ​ចិន​ត្រូវ​បាន​កម្លាំង​គណៈ​បញ្ជាការ​ឯកភាព​ខណ្ឌ​ពោធិ៍​សែន​ជ័យ ចុះ​ទៅ​ធ្វើការ​ស្រាវជ្រាវ​ចុះ​ទៅ​ធ្វើការ​បង្ក្រាប ។ ដោយ​បាន​ធ្វើការ​ឃាត់ខ្លួន​ស្ត្រីជន​ជាតិចិន​ចំនួន​១០​នាក់ ដែល​មានមុខរ​បរជា​អ្នក​ម៉ាស្សា និង​សង្ស័យ​ថា ជា​ស្ត្រី​រកស៊ី​ផ្លូវភេទ​នៅ​ក្នុង​ទីតាំង​នោះ​ផង​ដែរ ។

ក្រៅពី​នេះ​បុរស​ជនជាតិ​ចិន​២​នាក់​ទៀត ដែល​ជា​មេការ​នៅ​ក្នុង​ហាង​ម៉ាស្សា​ទាំង​២​ខាងលើ​ក៏​ត្រូវ​បាន​ឃាត់ខ្លួន​ដែរ ប៉ុន្តែ​អ្វី​ដែល​គួរ​ឲ្យ​ស្ដាយ​ស្ត្រីជន​ជាតិចិន​ម្នាក់​ដែល​ជា​ថៅកែ​បាន​រត់គេច​ខ្លួន​បាត់​ស្រមោល ។ មិនតែប៉ុណ្ណោះ​កម្លាំង​សមត្ថកិច្ច​ចម្រុះ​ខាងលើ​បាន​រក​ឃើញ​ស្រោមអនាម័យ​មិន​ទាន់​ប្រើប្រាស់​ជា​ច្រើន​ប្រអប់​ព្រមទាំង​ស្រោម​ដែល​ប្រើ​រួច​ជា​ច្រើន​ទៀត ។ ការ​ចុះ​បង្ក្រាប​នោះ​បាន​ធ្វើ​ឡើង​កាលពី​វេលា​ម៉ោង​៩​ព្រឹក ថ្ងៃ​ទី​៣០ ខែមេសា ឆ្នាំ​២០១៩ នៅ​ក្នុង​ហាង​ម៉ាស្សា​យីហោ «​អ៊ី​ហុង​យ៉ា​ន​» ដែល​ទីតាំង​ទី​១ ស្ថិត​នៅផ្ទះ​លេខ 14J និង​ទីតាំង​ទី​២ ស្ថិត​នៅផ្ទះ​លេខ​1J តាម​បណ្ដោយ​ផ្លូវ​លេខ​113 ក្នុងភូមិ​ព្រៃ​ទា សង្កាត់​ចោម​ចៅ​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ ។

កម្លាំង​សមត្ថកិច្ច​បាន​និយាយ​ថា ទីតាំង​ម៉ាស្សា​ទាំង​២​កន្លែង​នេះ​មាន​ថៅកែ​ជា​ជនជាតិ​ចិន​ឈ្មោះ​ភីង អ៊ី ភេទ​ស្រី អាយុ​៥០​ឆ្នាំ ដែល​កំពុង​រត់គេច​ខ្លួន ហើយ​នៅ​លើ​ទីតាំង​នីមួយ​ៗ​មាន​បំពាក់​ស្លាក​យីហោ​ជា​អក្សរ​ចិន​សុទ្ធសាធ ហើយ​គ្មាន​ច្បាប់​អនុញ្ញាត​ត្រឹមត្រូវ​ឡើយ ។ កន្លង​មក​ប្រជាពលរដ្ឋ​បាន​រាយការណ៍​ប្រាប់​ថា ហាង​ម៉ាស្សា​យីហោ «​អ៊ី​ហុង​យ៉ា​ន​» ២​ទីតាំង​នេះ​មើល​ពី​ខាងក្រៅ គឺ​ម៉ាស្សា​ទេ ប៉ុន្តែ​នៅ​ខាងក្នុង​បែរជា​បម្រើសេវា​ផ្លូវភេទ​ទៅ​វិញ ។ បន្ទាប់​ពី​ទទួល​បាន​ដំណឹង​នេះ​ភ្លាម​កម្លាំង​បាន​ធ្វើការ​ស្រាវជ្រាវ​រហូត​ដល់​ដឹង​ការ​ពិត​ទើប​ចុះ​បង្ក្រាប​ដោយ​ស្ងាត់​ៗ ប៉ុន្តែ​ទីបំផុត​ថៅកែ​នៅ​តែ​ដឹងខ្លួន​ទាន់ ហើយ​រត់គេច​ខ្លួន​បាត់ ។

ប្រភព​ដដែល​បាន​បន្ត​ថា ពេល​ចុះ​ទៅ​ដល់​ផ្ទះ​លេខ​1J រក​ឃើញ​ស្រោមអនាម័យ​ចំនួន​៤​ប្រអប់​ធំ ព្រមទាំង​ឃាត់ខ្លួន​នាង​ៗ​បាន​ចំនួន​៥​នាក់ និង​បុរស​ជា​មេការ​ម្នាក់​បន្ទាប់​មក​បាន​បន្ត​ទៅ​ផ្ទះ​លេខ​14J រក​ឃើញ​ស្រោមអនាម័យ​មួយ​ចំនួន​ធំ និង​ឃាត់ខ្លួន​នាង​ៗ​ចំនួន​៥​នាក់ និង​បុរស​ជា​មេការ​ម្នាក់ ។ ប្រភព​ដដែល​បាន​បន្ត​ថា ក្រោយ​ពី​ការ​ចាប់ខ្លួន​កម្លាំង​បាន​នាំ​ខ្លួន​មនុស្ស​ទាំង​១២​នាក់​ទៅ​កាន់​សាលា​ខណ្ឌ​ពោធិ៍​សែន​ជ័យ​រង់ចាំ​ប្រគល់​ជូន​នគរបាល​នៃ​អធិការដ្ឋាន​ខណ្ឌ​ពោធិ៍​សែន​ជ័យ ដើម្បី​សាកសួរ និង​កសាង​សំណុំរឿង​ចាត់ការ​តាម​ច្បាប់ ។ មិនតែប៉ុណ្ណោះ​កម្លាំង លើ​កំពុងធ្វើការ​ស្រាវជ្រាវ​តាម​ចាប់ខ្លួន​ស្ត្រី​ដែល​ជា​ថៅកែ​ទីតាំង​ម៉ាស្សា​ខាងលើ ដែល​កំពុង​រត់គេច​ខ្លួន​នោះ​ហើយ ដោយឡែក​ទីតាំង​ទាំង​២​នេះ​ត្រូវ​បាន​កម្លាំង​ទម្លាក់​ស្លាក​ចេញ និង​បិទទ្វារ​ចោល​តែ​ម្ដង មិន​អនុញ្ញាត​ឲ្យ​មានដំណើរ​ការ​តទៅ​ទៀត​ឡើយ ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ