ក្មេងប្រុសម្នាក់ក្រោយងូតទឹកក្នុងល្អាងភ្នំចំបាប់រួចស្រាប់តែមានអាការបែបនេះតែម្តង
- តាកែវ
ខេត្តតាកែវ ៖ លោក ភួន ឈីម អភិបាលស្រុកបាទីបានប្រាប់ កោះសន្តិភាព តាមរយៈទូរស័ព្ទនាព្រឹកថ្ងៃទី៣០ មេសា នេះថា…
ខេត្តតាកែវ ៖ លោក ភួន ឈីម អភិបាលស្រុកបាទីបានប្រាប់ កោះសន្តិភាព តាមរយៈទូរស័ព្ទនាព្រឹកថ្ងៃទី៣០ មេសា នេះថា ដំបូងយើងពិនិត្យរកឃើញក្មេងប្រុសម្នាក់បន្ទាប់ពីងូតទឹកក្នុងល្អាងនេះរួចហើយមានចេញកន្ទួលរមាស់នៅលើស្បែកជាច្រើន និងមានក្មេងដទៃទៀតដែលសញ្ញាទាំងអស់នេះហើយយើងអាចសន្និដ្ឋានបានថា គឺប៉ះពាល់មកពីទឹកក្នុងល្អាងភ្នំចំបាប់នេះ មិនតែប៉ុណ្ណោះ ។
ល្អាងភ្នំចំបាប់នេះមានគ្រោះថ្នាក់ខ្លាំងដោយសារមានផ្ទាំងថ្មភ្នំមួយចំនួនកំពុងប្រេះស្រាំជាច្រើនកន្លែង ដែលធ្លាក់ចុះមកគ្រប់ពេលវេលា និងប៉ះពាល់ដល់សុវត្ថិភាពបងប្អូននៅពេលដែរទៅលេងនៅទីនោះ ចំណែកឯការដាក់ប៉ារ៉ាស កឹបសំបុត្រយកលុយម៉ូតូ នៅពេលមានភ្ញៀវទេសចរចូលមកលេងនោះ លោកបានធ្វើការណែនាំហាមមិនអោយធ្វើអញ្ចឹងទៀតឡើយ ។
ភិបាលស្រុកបាទីបានបន្តថា ដើម្បីដឹងច្បាស់ អំពីទឹកនៅក្នុងល្អាងភ្នំចំបាប់នេះលោកបានណែនាំដល់មន្ត្រីជំនាញនាំយកទឹកក្នុងល្អាងនេះយកទៅធ្វើការពិសោធន៍បន្តនៅរាជធានីភ្នំពេញដើម្បីទទួលបានព័ត៌មានជាក់លាក់ថា ទឹកក្នុងល្អាងនេះមានផ្ទុកនូវសារធាតុអ្វីខ្លះ ហើយមានប៉ះពាល់ដល់សុខភាពបងប្រជាពលរដ្ឋដល់កម្រិតណា ។
លោកបានបញ្ជាក់ដែរថា ទឹកក្នុងល្អាងភ្នំចំបាប់ ស្ថិតនៅភូមិតានប់ ឃុំត្នោត ស្រុកបាទី កើតចេញពីការដាក់រំសេវបំផ្ទុះ ដើម្បី យកថ្មភ្នំរបស់ក្រុមហ៊ុន ប៉ុន្តែបច្ចុប្បន្នក្រុមហ៊ុនចប់អាណត្តិវិនិយោគ គឺបានបន្សល់ទុករណ្ដៅជ្រៅ មានទឹកដក់ ដែលយើងមើល ឃើញនឹងភ្នែកថាមានទឹកល្អសា្អត ប៉ុន្តែមិនដឹងមានសារធាតុអ្វីខ្លះនោះទេ ។
ជាមួយគ្នានេះអភិបាលស្រុកបាទី បានអំពាវនាវដល់បងប្អូនប្រជាពលរដ្ឋជិតឆ្ងាយទាំងអស់ សូមផ្អាកការមកងូតទឹកលេងកំសាន្ត ទឹកនៅក្នុងល្អាងភ្នំចំបាប់នេះ ជាប៉ុណ្ដោះអាសន្ន ដោយក្រុមការងារសន្និដ្ឋានថា ទឹកនេះមានផ្ទុកសារធាតុគីមី រហូតដល់មានការបញ្ជាក់ច្បាស់លាស់ពីខាងក្រសួងជំនាញជាមុនសិន ទើបអាជ្ញាធរសម្រេចបើកឲ្យចូលមកកំសាន្តជាបន្តទៀត ៕
ចែករំលែកព័តមាននេះ