ប្រទេសរុស្ស៊ី ៖ បន្ទាប់ពីត្រីបាឡែនស១ក្បាលត្រូវបានប្រទះឃើញ នាពេលថ្មីៗនេះនៅប្រទេសន័រវែស ពួកអ្នកជំនាញការខាងសមុទ្រនិយាយថា រុស្ស៊ីនាពេលនេះអាចចិញ្ចឹមនិងបង្ហាត់ត្រីបាឡែនសម្រាប់ធ្វើចារកម្ម។ ត្រីបាឡែនសដែលប្រទះឃើញនោះ មិនកំណាញ់ខ្លួនដោយវាឲ្យមនុស្សម្នាអង្អែលវាបាន ។
អ្នកនេសាទ១ក្រុមទើបប្រកាសអាសន្នពីការប្រទះឃើញត្រីបាឡែនស១ក្បាល ដែលមានបំពាក់បង្ហៀរមួយមានចារអក្សរថា ក្រុមសាំងបេទ័រស្បួរ។ ការប្រទះឃើញនោះភ្លាមៗនាំឲ្យមានការប្រមូល ពួកអ្នកជំនាញការសមុទ្ររបស់ន័រវែសដែលពួកគេអះអាងថា បាឡែននោះស្និទ្ធស្នាលជាមួយពួកអ្នកនេសាទ ដែលតាមពិតទៅវាត្រូវបានបង្ហាត់និងបញ្ជូនមក ដោយកងទ័ពរុស្ស៊ីក្នុងគោលដៅច្រើន អាចចារកម្មផង។
តាមន័រវែសថាកាលពីថ្ងៃទី២៥មេសា ខណៈពួកអ្នកនេសាទធ្វើដំណើរទៅជិតកោះINGOYA តំបន់FINNMARK ត្រីបាឡែនសមួយក្បាលមានបង្ហៀរ បានហែលមកជិតពួកគេហើយប៉ុនប៉ងខាំផ្ដាច់ខ្សែពួរនៅសងខាងនាវាពួកគេ។បាឡែននេះមានឥរិយាបថចម្លែក។ លើបង្ហៀរមានសរសេរអក្សរថា ក្រុមសាំងប៉េទ័រស្បួរ។ ពួកអ្នកនេសាទនៅបាននិយាយទៀតថា ប្រឡៅប្រភេទនោះ អាចប្រើដាក់កាមេរ៉ាមួយ ឬអាវុធមួយ។ ប៉ុន្តែបាឡែននោះហាក់ដូចជាស្លូតណាស់ហើយមិនខ្លាចមនុស្សទៀតផង ដោយឲ្យគេអង្អែលហើយឲ្យគេដោះបង្ហៀរ។
ការរកឃើញនេះនាំឲ្យពួកអ្នកជំនាញការសមុទ្រមូលដ្នាន ចេញការប្រកាសអាសន្នភ្លាមៗដោយអះអាងថា គ្មាននរណាក្រៅពីរុស្ស៊ីឡើយ ដែលពេលនេះប្រើប្រភេទចារកម្មបែបនោះ។ ទោះបីយ៉ាងណាវិទ្យាស្ថានស្រាវជ្រាវសមុទ្រន័រវែសវាយតម្លៃថា ប្រសិនបើនោះជាត្រីបាឡែនមកពីរុស្ស៊ី ក៏វាពុំមានហេតុផលត្រឹមត្រូវដែលនាំឲ្យគេជឿថា ប្រើក្នុងគោលដៅចារកម្មដែរ ។ វាអាចជាការសិក្សាខាងវិទ្យាសាស្ត្រមួយតែអាចដោយកងម៉ារីនរុស្ស៊ី។ បង្ហៀរអាចបំពាក់កាមេរ៉ា តាមដានបណ្ដាសត្វសមុទ្រដែលរងការគំរាមកំហែងបាត់បង់៕
ចែករំលែកព័តមាននេះ