អបអរសាទរ..! ស្ត្រីខ្មែរ៦រូបទទួលពាន រង្វាន់អ្នកលក់ឆ្នើមពីប្រទេសថៃ
- ភ្នំពេញ
រាជធានីភ្នំពេញ ៖ គ្រប់យ៉ាងគឺកើតឡើងដោយការខិតខំប្រឹងប្រែង ព្រោះជោគជ័យមិនមែនទទួលបានត្រឹម តែមួយរាត្រីនោះទេ ។ ជាក់ស្តែង ថ្មីៗនេះស្ត្រីខ្មែរចំនួន ៦ រូបទទួលបានពានរង្វាន់អ្នកលក់ឆ្នើមពីប្រទេសថៃបន្ទាប់ពីចាប់យកជំនួញជាអ្នកចែកចាយគ្រឿងសម្អាង ហើយមានការរីកចម្រើនយ៉ាង ឆាប់ រហ័ស ។
អ្នកលក់ឆ្នើមទាំង ៦ រូបដែលទទួលបានពានរង្វាន់នោះរួមមាន ៖ អ្នកស្រី ទ្រី ដាណេ ជាអគ្គនាយិកានៃក្រុមហ៊ុនដាណាទ្រី ខេមបូឌា ត្រេដដីង ខូអិលធីឌី ដែលធ្លាប់ទទួលបានពានរង្វាន់ ២ ដងរួចមកហើយ ។ ក្រៅពីនេះ មានម្ចាស់ពានចំនួន ៥ រូបផ្សេងទៀតគឺ អ៊ាង មូនិកា អ្នកតំណាងចែកចាយប្រចាំក្រុងតាខ្មៅ និង ច្បារអំពៅ, ជា លីដា អ្នកតំណាងចែកចាយប្រចាំខណ្ឌឫស្សីកែវ និង ខណ្ឌទួលគោគ, អ៊ុន ធីតា អ្នកតំណាងចែកចាយប្រចាំខណ្ឌពោធិ៍សែនជ័យ និង ដង្កោរ, ហូម ធីតា អ្នកតំណាងចែកចាយប្រចាំស្រុកសង្កែខេត្ត
បាត់ដំបង និង អ្នកស្រី ឃាន លីណា អ្នកតំណាងចែកចាយប្រចាំខេត្តត្បូងឃ្មុំ និង កំពង់ចាម ។
ស្ត្រីឆ្នើមទាំង ៦ រូបបានធ្វើដំណើរទៅទទួលពាន់រង្វាន់នេះនៅប្រទេសថៃ កាលពីថ្ងៃទី ២៧ ខែមេសា ហើយដែលព្រឹត្តិការណ៍នេះរៀបចំឡើងដោយសហការណ៍រវាងគ្រឿងសម្អាងនានាដោយមានការចូលរួមពីអ្នក លក់ឆ្នើមៗមកពីប្រទេសថៃ, វៀតណាម, ឡាវ, មីយ៉ាន់ម៉ា, ម៉ាឡេស៊ី, កូរ៉េ និង កម្ពុជា ជាដើម ។
គួរបញ្ជាក់ផងដែរថា ពានរង្វាន់ទាំងនេះរៀបចំឡើងដោយសមាគមក្រុមហ៊ុនគ្រឿងសម្អាង នៅប្រទេស
ថៃ ហើយផ្តល់ជូនចំពោះអ្នកលក់ឆ្នើមនៅអាស៊ាន ដែលក្នុងនោះមានទាំងប្រទេសថៃ, វៀតណាម, ឡាវ,
មីយ៉ាន់ម៉ា, ម៉ាឡេស៊ី និង កូរ៉េ ជាដើម ។ កម្មវិធីផ្តល់រង្វាន់នេះត្រូវបានបង្កើតឡើងជារៀងរាល់ឆ្នាំ ដោយមានការចូលរួមពីក្រសួងពាណិជ្ជកម្មនៃប្រទេសថៃផងដែរ ។ ចំណែកអ្នកស្រី ទ្រី ដាណា ជាអ្នកតំណាងចែកចាយធំផលិតផល NNP ទទួលបានពានសរុបចំនួន ៦ រួចមកហើយ ។
សូមរំឭកផងដែរថា កាលពីថ្ងៃទី ៩ ខែមីនាកន្លងទៅនេះអ្នកស្រី ទ្រី ដាណា ត្រូវបានសមាគនក្រុមហ៊ុនថៃអញ្ជើញទៅទទួលពានរង្វាន់ CEO Thailand Awards ចំនួន ៣ ម្នាក់ឯងក្នុងនាមជាបុគ្គលិកឆ្នើមលក់ដាច់បំផុត និង មានការរីកចម្រើនលឿន ។
ជាងនេះ ទៅទៀតនោះ គឺកាលពីចុងខែមករាកន្លងទៅអ្នកស្រី ទ្រី ដាណា ក៏ធ្លាប់ត្រូវបានក្រុមហ៊ុនអញ្ជើញទៅទទួលពាន ២ ម្នាក់ឯងម្តងរួចមកហើយដែរ ដោយកាលនោះគឺជាការប្រគល់ពានរបស់ក្រុមហ៊ុន ប៉ុន្តែលើកនេះទទួលបានពានរួមក្នុងនាមជាអ្នកលក់ផលិត ផលថែរក្សាស្បែកដាច់បំផុតដោយមានការចូលរួមពីតំណាងចែកចាយនៅអាស៊ី ដូចជា វៀតណាម, ថៃ, ឡាវ, កូរ៉េ, ម៉ាឡេស៊ី និង ប្រទេសមួយចំនួនទៀត ៕
ចែករំលែកព័តមាននេះ