រាជធានីភ្នំពេញ ៖ ឯកអគ្គរាជទូតកម្ពុជា ប្រចាំនៅសាធារណរដ្ឋកូរ៉េ ឯកឧត្តម ឃួន រតនៈ បានចូលរួមស្តាប់បាឋកថាពិសេស ស្តីពី «គោលនយោបាយការបរទេសរបស់អេហ្ស៊ីប ទាក់ទិនបញ្ហាប្រឈមសំខាន់ៗក្នុងតំបន់ និងសកលលោក» ។
ឯកឧត្តម ឃួន រតនៈ បានឱ្យដឹងថា កាលពីថ្ងៃទី២ ខែមិថុនា ឆ្នាំ២០២៦ ឯកឧត្តមបានចូលរួមស្តាប់បាឋកថាពិសេស (Special Lecture) ស្តីពី «គោលនយោបាយការបរទេសរបស់អេហ្ស៊ីប ទាក់ទិនបញ្ហាប្រឈមសំខាន់ៗក្នុងតំបន់ និងសកលលោក» ដែលថ្លែងដោយ ឯកឧត្តមបណ្ឌិត Badr Abdel Atty រដ្ឋមន្ត្រីការបរទេស និងកិច្ចសហប្រតិបត្តិការអន្តរជាតិ នៃសាធារណរដ្ឋអារ៉ាប់អេហ្ស៊ីប នៅសាកលវិទ្យាល័យ Hankuk University of Foreign Studies (HUFS) នៅទីក្រុងសេអ៊ូល ។
ឯកឧត្តមថាកម្មវិធីនេះ ត្រូវបានរៀបចំដោយ ឯកឧត្តម Hazem Zaki ឯកអគ្គរដ្ឋទូតអេហ្ស៊ីប ប្រចាំសាធារណរដ្ឋកូរ៉េ ដោយមានការចូលរួមពីសំណាក់ឯកឧត្តមឯកអគ្គរាជ-រដ្ឋទូត មន្ត្រីការទូត អ្នកសិក្សាស្រាវជ្រាវ សាស្ត្រាចារ្យ និងនិស្សិតជាច្រើនរូប ។
បាឋកថានេះ បានផ្តល់ឱកាសដល់អ្នកចូលរួមក្នុងការផ្លាស់ប្តូរទស្សនៈ និងស្វែងយល់បន្ថែមអំពីទិសដៅគោលនយោបាយការបរទេសរបស់អេហ្ស៊ីប ព្រមទាំងរួមចំណែកលើកកម្ពស់ការយល់ដឹងគ្នាទៅវិញទៅមក និងពង្រឹងទំនាក់ទំនងមិត្តភាព និងកិច្ចសហប្រ តិបត្តិការរវាងប្រទេសនានា ៕
ចែករំលែកព័តមាននេះ