ខេត្តព្រះសីហនុ ៖ សេចក្តីរាយការណ៍ជំហានដំបូងបានឲ្យដឹងថា កាលពីព្រឹកថ្ងៃទី២៨ មេសា បុរសជនជាតិចិន២នាក់ ត្រូវបានសមត្ថកិច្ចអន្តរាគមន៍នាំខ្លួនរំដោះចេញពីកណ្តាប់ដៃមហាជន ដែលចោមរោមវាយទាត់ធាក់ បន្ទាប់ពីដឹងថាបុរសជនជាតិចិនទាំង២នាក់នោះ ជាចោរដាច់យ៉ៃប៉ុនប៉ងធ្វើសកម្មភាពគាស់ទ្វាររថយន្តប៉ុនប៉ងលួចយកសម្ភារ ។
ក្រោយពីសមត្ថកិច្ចរំដោះ ជនជាតិចិនទាំងពីរនាក់ចេញពីហ្វូងមហាជនហើយ ត្រូវបាននាំទៅកាន់ស្នងការដ្ឋាននគរបាលខេត្តព្រះសីហនុ ដើម្បីសាកសួរតាមនីតិវិធី ។ បើតាមប្រភពព័ត៌មានបានឲ្យដឹងថា នៅវេលាខាងលើគេបានឃើញជនសង្ស័យជាជនជាតិចិន២នាក់ ជិះម៉ូតូមួយគ្រឿង ទៅឈប់នៅតាមផ្លូវបេតុងជិតហាងសំពៅមាសថ្មី ក្នុងសង្កាត់លេខ៣ ក្រុងព្រះសីហនុ ។
ប្រភពបន្តថា បន្តិចក្រោយមកគេបានឃើញជនសង្ស័យម្នាក់ ដើរទៅក្បែររថយន្តគេដែលចតនៅលើផ្លូវសាធារណៈក្នុងគោលបំណងគាស់ទ្វាររថយន្ត ដើម្បីលួចយកសម្ភារនៅខាងក្នុងនោះ ។ ប៉ុន្តែត្រូវបានអ្នកដំណើរឃើញទាន់ ក៏ស្រែកថាចោរៗ ទើបជនសង្ស័យរត់ឡើងជិះម៉ូតូ និងមានបំណងគេចខ្លួន តែត្រូវពលរដ្ឋដេញតាមចាប់បាននិង វាយម្នាក់១ដៃម្នាក់១ជើងបណ្តាលឲ្យទ្រមខ្លួន បើកុំបានសមត្តកិច្ចទៅជួយទាន់ គឺអាចធ្ងន់ធ្ងរជាងនេះឬអាចចង្រិតមិនខាន ព្រោះពកា្យថាចោរប្រាកដជាមិនធម្មតាឡើយ ។
កំណើនជនជាតិចិននៅក្រុងព្រះសីហនុគឺមានការកើនឡើងជាលំដាប់ ។ ទោះបីជាកំណើននេះបូកបញ្ចូលនឹងសេវាកម្មទេសចរក្តីក៏ជាក់ស្តែងបង្ហាញថាជាការហូរចូលម៉ាចង្កោមឬមួយកំប្លេតែម្តង មានទាំងអ្នកវិនិយោគមករកស៊ី មានទាំងឧក្រិដ្ឋជនចាប់ជំរិត មានអ្នកញៀនល្បែងគ្រប់ប្រភេទ…មានទាំងស្រីសភ្លឹងរកស៊ីផ្លូវភេទ តាមរយៈខារ៉ាអូខេ…មានជើងល្អខាងបោក។ល។
ចែករំលែកព័តមាននេះ