ប្រទេសចិន ៖ មនុស្សជាច្រើនសិបពាន់នាក់កាលពីថ្ងៃទី២៨ មេសា បានលើកគ្នាធ្វើបាតុកម្មនៅតាមដងវិថីនានានៃទីក្រុងហុងកុង ដើម្បីតវ៉ាប្រឆាំងគម្រោងរបស់អាជ្ញាធរមូលដ្ឋាន អនុញ្ញាតឲ្យធ្វើបត្យាប័នទៅកាន់ចិនដីគោក។ នោះជាបាតុកម្មធំបំផុតមួយដែលរៀបចំធ្វើនៅហុងកុង ពុំធ្លាប់មានចាប់តាំងពីច្រើនឆ្នាំមកហើយ ដោយតាមប៉ូលិសថាមានមនុស្សចូលរួមដល់ទៅ២២.០០០នាក់។…
ប្រទេសចិន ៖ មនុស្សជាច្រើនសិបពាន់នាក់កាលពីថ្ងៃទី២៨ មេសា បានលើកគ្នាធ្វើបាតុកម្មនៅតាមដងវិថីនានានៃទីក្រុងហុងកុង ដើម្បីតវ៉ាប្រឆាំងគម្រោងរបស់អាជ្ញាធរមូលដ្ឋាន អនុញ្ញាតឲ្យធ្វើបត្យាប័នទៅកាន់ចិនដីគោក។
នោះជាបាតុកម្មធំបំផុតមួយដែលរៀបចំធ្វើនៅហុងកុង ពុំធ្លាប់មានចាប់តាំងពីច្រើនឆ្នាំមកហើយ ដោយតាមប៉ូលិសថាមានមនុស្សចូលរួមដល់ទៅ២២.០០០នាក់។ បាតុកម្មនោះកើតមានប៉ុន្មានថ្ងៃ ក្រោយការកាត់ទោសជនប្រឆាំងហុងកុង៤នាក់ នៃចលនាស្និទ្ធលទ្ធិប្រជាធិបតេយ្យហុងកុង ដោយពួកគេទទួលការកាត់ទោសខ្លះជាប់គុកដល់ទៅ១៦ខែ ពីបទទទួលខុសត្រូវលើការរាំងស្ទះ ក្នុងពេលបាតុកម្មដែលនាំឲ្យស្ទះដល់ក្រុងហុងកុងកាលពីឆ្នាំ២០១៤។
ពួកបាតុករបានលើកបដាដែលសរសេរពាក្យនានា ទាមទារឲ្យលោកស្រីCARRIE LAM មេដឹកនាំក្រុងហុងកុងស្និទ្ធក្រុងប៉េកាំងលាលែងចេញពីតំណែង ប្រធានប្រតិបត្តិក្រុងហុងកុង។ បាតុករមួយចំនួននាំគ្នាស្លៀកពាក់ឯកសណ្ឋានប៉ូលិសចិនដីគោក ដែលយាមការពារទ្រុងលាបពណ៌ក្រហមមួយ ដែលមានបាតុករម្នាក់នៅខាងក្នុង។ មានបដាមួយសរសេរសំណើទៅប្រធានាធិបតីចិនលោកស៊ីជីនពីង ដោយស្នើលោកកុំឲ្យចុះហត្ថលេខាលើច្បាប់ដែលអាចធ្វើបត្យាប័នពលរដ្ឋហុងកុងទៅកាន់ចិនដីគោក។
យោងតាមគោលការណ៍ប្រទេសមួយមានប្រព័ន្ធដឹកនាំ២ផ្សេងគ្នា ក្រោយការប្រគល់ក្រុងហុងកុងទៅឲ្យចិនវិញ ក្រុងហុងកុងបច្ចុប្បន្នទទួលបានប្រព័ន្ធតុលាការមួយខុសគ្នា ពីប្រព័ន្ធតុលាការរបស់ចិន។ ប៉ុន្តែក្រុងហុងកុងប្រកាសនាពេលមុននេះ ពីគម្រោងកែប្រែែបបបទនៃការធ្វើបត្យាប័ន ដែលអនុញ្ញាតឲ្យផ្ទេរពួកអ្នករត់គេចខ្លួន ទៅកាន់ចិនដីគោកជាលើកដំបូង។ គម្រោងច្បាប់នោះមានការតវ៉ាមកពីប្រព័ន្ធតុលាការចិន មានច្បាប់កាត់ទោសប្រហារជីវិត។ គម្រោងច្បាប់នេះត្រូវបានដាក់ឲ្យសភាហុងកុងអនុម័ត៕
ចែករំលែកព័តមាននេះ