លោកប្រធានាធិបតីត្រាំបង្ខំជប៉ុនផលិតយានយន្តបន្ថែមក្នុងសហរដ្ឋអាមេរិក
រដ្ឋធានីវ៉ាស៊ីនតោន ៖ ភ្នាក់ងារសារព័ត៌មាន Reuters បានរាយការណ៍មកកាលពីថ្ងៃទី ២៨ ថា លោកប្រធានាធិបតីដូណាល់ត្រាំ (Donald Trump)…
រដ្ឋធានីវ៉ាស៊ីនតោន ៖ ភ្នាក់ងារសារព័ត៌មាន Reuters បានរាយការណ៍មកកាលពីថ្ងៃទី ២៨ ថា លោកប្រធានាធិបតីដូណាល់ត្រាំ (Donald Trump)…
រដ្ឋធានីវ៉ាស៊ីនតោន ៖ ភ្នាក់ងារសារព័ត៌មាន Reuters បានរាយការណ៍មកកាលពីថ្ងៃទី ២៨ ថា លោកប្រធានាធិបតីដូណាល់ត្រាំ (Donald Trump) របស់សហរដ្ឋអាមេរិកបានដាក់សម្ពាធដល់លោកនាយករដ្ឋមន្ត្រី Shinzo Abe របស់ប្រទេសជប៉ុនឲ្យប្រាប់ដល់ក្រុមហ៊ុនយានយន្តជប៉ុនផលិតយានយន្តបន្ថែមក្នុងសហរដ្ឋអាមេរិក។
ភាគីទាំងសងខាងបានពិភាក្សាពីការប្រកាសជាសាធារណៈរបស់ក្រុមហ៊ុនយានយន្តជប៉ុនក្នុងពេលថ្មីៗនេះ ដែលរួមមានការសម្រេចចិត្តរបស់ Toyota Motor Corpក្នុងការវិនិយោគបន្ថែមលើរោងចក្រក្នុងសហរដ្ឋអាមេរិក។
លោកអគ្គរដ្ឋទូត William Hagerty បាននិយាយថា “ពួកយើងបានពិភាក្សាពីតម្រូវការក្នុងការមើលឃើញមានចលនាក្នុងទិសដៅនេះ ប៉ុន្តែខ្ញុំគិតថាលោកប្រធានាធិបតីសុទិដ្ឋិនិយមថាពួកយើងអាចនឹងមើលឃើញចលនាដូចនេះពិតមែនព្រោះរាល់ប្រទេសទាំងអស់គាំទ្រវា”។
លោកប្រធានាធិបតីត្រាំបាននិយាយកាលពីថ្ងៃសៅរ៍ថា លោក Abe អះអាងថាប្រទេសជប៉ុននឹងវិនិយោគប្រមាណ៤០ប៊ីលានដុល្លារលើរោងចក្រក្នុងសហ រដ្ឋអាមេរិក ប៉ុន្តែលោកមិនបានផ្តល់ពត៌មានលម្អិតទាក់ទិននឹងកំឡុងពេលនៃការវិនិយោគទេ។
ក្រុមហ៊ុន Toyota របស់ជប៉ុនក៏បាននិយាយកាលពីខែមុនដែរថាពួកគេនឹងបង្កើនការវិនិយោគលើសពីការសន្យាពី១០ប៊ីលានដុល្លារក្នុងរយៈពេល៥ឆ្នាំ ទៅ ១៣ប៊ីលានដុល្លារវិញ។ លោកប្រធានាធិបតីត្រាំក៏បានស្នើដល់ក្រុមហ៊ុនយានយន្តជប៉ុនឲ្យបង្កើតការងារបន្ថែមក្នុងសហរដ្ឋអាមេរិកដែរខណៈដែល White House គម្រាមថានឹងដាក់ពន្ធដល់ទៅ២៥%លើយានយន្តនាំចូលដើម្បីការពារសន្តិសុខជាតិ។
លោក Hagerty បានបន្ថែមដែរថា លោកប្រធានាធិបតីត្រាំមានគម្រោងចូលរួមកិច្ចប្រជុំ G20 នៅOsaka ប្រទេសជប៉ុននាខែមិថុនាខាងមុខនេះដែរ៕
ចែករំលែកព័តមាននេះ