រាជធានីភ្នំពេញ ៖ កម្ពុជា និងចិននឹងរៀបចំពិព័រណ៌ពាណិជ្ជកម្មអន្តរជាតិមួយក្នុងន័យលើកកម្ពស់ពាណិជ្ជកម្មរវាងអាស៊ី និងប៉ាស៊ីហ្វិក និងដើម្បីឆ្លើយតបយ៉ាងសកម្មនូវយុទ្ធសាស្ត្រ«ខ្សែក្រវ៉ាត់មួយ វិថីមួយ» ។ ពិព័រណ៌នេះក៏ជាយុទ្ធសាស្ត្រជំរុញគោលដៅអភិវឌ្ឍន៍នៃ «សមត្ថភាពផលិតកម្មកាត់បន្ថយសារពើភ័ណ្ឌ និងការអភិវឌ្ឍនៃរង្វង់សេដ្ឋកិច្ច អាស៊ី និងប៉ាស៊ីហ្វិក ហើយពិព័រណ៌អន្តរជាតិនេះមានការចូលរួមពីនាយកដ្ឋានពាណិជ្ជកម្ម ប្រចាំស្ថានទូតចិននៅកម្ពុជា ក្រសួងពាណិជ្ជកម្មកម្ពុជា និងក្រសួងវប្បធម៌ ។
ពិព័រណ៌ពាណិជ្ជកម្មអន្តរជាតិដ៏ធំមួយនេះត្រូវបានរៀបចំឡើងនាថ្ងៃទី១០ ដល់១២ ខែឧសភា ឆ្នាំ២០១៩ ដែលប្រារព្ធឡើងនៅមជ្ឈមណ្ឌលកំសាន្តកោះពេជ្រ ដែលរៀបចំដោយក្រុមហ៊ុនពិព័រណ៌អន្តរជាតិ«វ៉ាងនីគ្រុប» និងមានដៃគូសហការឧបត្ថមជាលើកដំបូងរួមមាន សមាគមអភិវឌ្ឍន៍ពាណិជ្ជកម្ម«ហ៊ូណាននៅកម្ពុជា» គេហទំព័រអចលនទ្រព្យ និងមជ្ឈមណ្ឌលផ្សព្វផ្សាយវិទ្យុអារ៉ាប់ប៉េកាំង ។ តើតាមសេចក្តីប្រកាសព័ត៌មានបានឲ្យដឹងថា សម្រាប់ពិព័រណ៌អន្តរជាតិចំរុះនេះរួមមាន តំបន់ពិព័រណ៍ផលិតផលទេសចរណ៍ តំបន់ពិព័រណ៍ផលិតផលឧស្សាហកម្ម តំបន់ពិព័រណ៍ផលិតផលកសិកម្ម និងសុខភាព តំបន់ពិព័រណ៍ផលិតផលសំលៀកបំពាក់ ស្បែកជើង មួក តំបន់ពិព័រណ៍ផលិតផលអាហារ តំបន់ពិព័រណ៍ផលិតផលគ្រឿងក្រអូប តំបន់ពិព័ រណ៍ផលិតផលឡានម៉ូតូ តំបន់ពិព័រណ៍ផលិតផលផ្នែកសំណង់ តំបន់ពិព័រណ៍ផលិតផល គ្រឿងអេឡិចត្រូនិច តំបន់ពិព័រណ៍ផលិតផលសំណង់អគារ តំបន់ពិព័រណ៍ផលិតផលទូរគមនាគមន៍ ។
ប្រភពបន្តថាកម្ពុជា និងចិន រៀបចំពិធីពិព័រណ៌ពាណិជ្ជកម្មអន្តរជាតិនេះឡើង គឺដើម្បីពង្រឹងកិច្ចសហប្រតិបត្តិការអន្តរជាតិ ពង្រីកឥទ្ធិពល នៃផលិតផលម៉ាកយីហោរបស់ ប្រទេសចិននៅក្នុងប្រទេសកម្ពុជា និងអាស៊ីអាគ្នេយ៍និងម្យ៉ាងវិញទៀតប្រទេសកម្ពុជានឹងក្លាយទៅជា មជ្ឈមណ្ឌលកណ្តាលសម្រាប់ប្រទេសចិន ក្នុងការប្រមូលផ្តុំឱកាសពាណិជ្ជកម្មដ៏ធំនៅក្នុងពាណិជ្ជកម្ម រវាងអាស៊ី និងប៉ាស៊ីហ្វិក និងដើម្បីឆ្លើយតបយ៉ាងសកម្មទៅនឹងការអភិវឌ្ឍគោលនយោបាយ«ខ្សែក្រវ៉ាត់មួយ វិថីមួយ» ការជំរុញគោលដៅអភិវឌ្ឍន៍លើចង្វាក់ផលិតកម្មសារពើភណ្ឌ អភិវឌ្ឍន៍ទីផ្សារសេដ្ឋកិច្ចតំបន់អាស៊ីអាគ្នេយ៍ ។ ជំរុញសេដ្ឋកិច្ចពាណិជ្ជកម្មក្នុងតំបន់ និងស្របពេល ដើម្បីផ្លាស់ប្តូរនូវទម្រង់សេដ្ឋកិច្ចពិតៗទៅជាលក្ខណៈច្នៃប្រឌិត និងទំនើបប្រែក្លាយផលិតផលដែលលើសលប់ទៅជាធនធានដែលកម្រសម្រេចបាននូវការសហការ និងផ្លាស់ប្តូរលើការផលិតទំនិញនិងតម្រូវការ ៕
ចែករំលែកព័តមាននេះ