កម្ពុជានាំចេញស្រូវបានលុយជិត៦០០លានដុល្លារ ហើយអង្ករបានលុយជាង៣០០លានដុល្លារ
- ភ្នំពេញ
នៅក្នុងរយៈពេល៥ខែ ដើមឆ្នាំ២០២៦ កម្ពុជាអាចនាំនាំចេញស្រូវចំនួន២,៧លានតោន ដែលគិតជាទឹកប្រាក់ប៉ាន់ប្រមាណបានចំនួនជាង៥៩១លានដុល្លារ ខណៈដែលអង្ករវិញបានចំនួន៥៦៨.៩១២តោន ទទួលបានចំណូល ៣២៧លានដុល្លារ ។
ផ្អែកតាមស្ថិតិដែលប្រកាសដោយសហព័ន្ធស្រូវអង្ករកម្ពុជានេះបានឲ្យដឹងថា បរិមាណនាំចេញអង្ករកម្ពុជាកើនឡើង៦៥,៣ភាគរយ ហើយចំណូលវិញ គឺកើនឡើង២៩,៨ភាគរយ ប៉ុន្តែ សម្រាប់ស្រូវវិញ គឺបរិមាណនាំចេញធ្លាក់ចុះ១២,៩ភាគរយ ហើយតម្លៃវិញធ្លាក់ចុះ២០,២ ភាគរយ ។
គួររំលឹកថា ក្នុងរយៈពេល៥ខែនៃឆ្នាំ២០២៥ កម្ពុជាបាននាំចេញអង្ករចំនួន៣៤៤.១៩៩តោន ដែលគិតជាទឹកប្រាក់ជាង ២៥២លានដុល្លារអាម៉េរិក រីឯការនាំចេញស្រូវគឺបានចំនួន ៣,១០លាន តោន ដែលគិតជាទឹកប្រាក់បានប្រមាណ ៧៤០.៩៤ លានដុល្លារ។
ចែករំលែកព័តមាននេះ