ខេត្តព្រះសីហនុ ៖ តាមសេចក្តីរាយការបឋមបានឲ្យដឹងថា កាលពីព្រឹកថ្ងៃទី២៨ ខែមេសា មានបុរសជនជាតិចិន២នាក់ត្រូវបានសមត្ថកិច្ចអន្តរាគមន៍ចាប់ខ្លួនរំដោះចេញពីកណ្តាប់មហាជនដែលចោមរោមវាយបន្ទាប់ពីដឹងថា ជនជាតិចិន២នាក់នោះប៉ុនប៉ងធ្វើសកម្មភាពគាស់ទ្វាររថយន្តប្រជាពលរដ្ឋលួចយកសម្ភារៈ ។
សេចក្តីរាយការណ៍បានបន្តថា ក្រោយពីសមត្ថកិច្ចរំដោះជនជាតិចិនទាំងពីរនាក់ត្រូវបាននាំទៅកាន់ស្នងការដ្ឋាននគរបាលខេត្តព្រះសីហនុ ដើម្បីសាកសួរតាមនីតិវិធី ។ បើតាមប្រភពព័ត៌មានបានឲ្យដឹងថា នៅវេលាខាងលើគេបានឃើញជនសង្ស័យជាជនជាតិចិន២នាក់ជិះម៉ូតូមួយគ្រឿងទៅឈប់នៅតាមផ្លូវបេតុងជិតហាងសំពៅមាសថ្មី ក្នុងសង្កាត់លេខ៣ ក្រុងព្រះសីហនុ ។
បន្តិចក្រោយមកគេបានឃើញជនសង្ស័យម្នាក់ដើរទៅក្បែររថយន្តដែលចតនៅលើផ្លូវគោលបំណងគាស់ទ្វាររថយន្ត ដើម្បីលួចយកសម្ភារៈនៅខាងក្នុងនោះ ។ ប៉ុន្តែត្រូវបានអ្នកដំណើរឃើញទាន់ក៏ស្រែកថាចោរៗទើបជនសង្ស័យរត់ឡើងជិះម៉ូតូ និងមានបំណងគេចខ្លួន តែត្រូវប្រជាពលរដ្ឋដេញតាមចាប់បាន និងវាយម្នាក់១ដៃម្នាក់១ជើង បណ្តាលឲ្យទ្រមខ្លួន បើកុំបានសមត្ថកិច្ចទៅជួយទាន់ម្លោះធ្ងន់.ក ៕
ចែករំលែកព័តមាននេះ