ខេត្តសៀមរាប ៖ លោកវរសេនីយ៍ឯកទេព ចាន់ណាអធិការនគរបាលស្រុកសូទ្រនិគមបានឲ្យដឹងនៅព្រឹកថ្ងៃទី២៨ ខែមេសា ឆ្នាំ២០១៩នេះថា លំនៅដ្ឋានមួយខ្នងធ្វើអំពីឈើប្រក់ស័ង្កសី មានទំហំ៦ម៉ែត្រគុណនឹង៩ម៉ែត្រ រួមទាំងទ្រព្យសម្បត្តិរបស់ប្រជាពលរដ្ឋឈ្មោះ វ៉ាន់…
ខេត្តសៀមរាប ៖ លោកវរសេនីយ៍ឯកទេព ចាន់ណាអធិការនគរបាលស្រុកសូទ្រនិគមបានឲ្យដឹងនៅព្រឹកថ្ងៃទី២៨ ខែមេសា ឆ្នាំ២០១៩នេះថា លំនៅដ្ឋានមួយខ្នងធ្វើអំពីឈើប្រក់ស័ង្កសី មានទំហំ៦ម៉ែត្រគុណនឹង៩ម៉ែត្រ រួមទាំងទ្រព្យសម្បត្តិរបស់ប្រជាពលរដ្ឋឈ្មោះ វ៉ាន់ ហ៊ំ ភេទស្រី អាយុ៣៧ឆ្នាំ នៅភូមិត្រពាំងប្រិយ៍ ឃុំពពេល ស្រុកសូទ្រនិគម ខណៈបច្ចុប្បន្នម្ចាស់ផ្ទះទៅធ្វើការនៅប្រទេសថៃ ចាក់សោទុកចោលត្រូវភ្លើងឆេះអស់ទាំងស្រុង កាលពីវេលាម៉ោង២និង១៥នាទីរសៀលថ្ងៃទី២៦ ខែមេសា ឆ្នាំ២០១៩ ។
លោកវរសេនីយ៍ឯក ទេព ចាន់ណា បានឲ្យដឹងទៀតថា តាមការសន្និដ្ឋានមូលហេតុនៃអគ្គិភ័យនេះអាចបណ្ដាលមកពីឆ្លងចរន្តអគ្គិសនីផ្ទាំងសូឡា ប៉ុន្តែតែពុំបណ្តាឲ្យមានគ្រោះថ្នាក់ដល់មនុស្សឡើយ ខណៈហេតុការណ៍នេះសមត្ថកិច្ចនគរបាលស្រុកសូទ្របានជួយពន្លត់ភ្លើងមិនឲ្យរាលដាលដល់កន្លែងផ្សេង ដោយប្រើប្រាស់រថយន្តពន្លត់អគ្គិភ័យរបស់អធិការដ្ឋាននគរបាលស្រុកសូទ្រនិគម ហើយប្រើប្រាស់ទឹកអស់ចំនួន០២រថយន្តទើបអាចទប់ទល់ស្ថានភាពមិនឲ្យរាលដាលដល់ផ្ទះអ្នកជិតខាង និងមិនមានមនុស្សណាម្នាក់រងរបួសក្នុងហេតុការណ៍នោះទេ ៕
ចែករំលែកព័តមាននេះ