លោក វ៉ាន់ ហូនីង សមាជិកគណៈអចិន្ត្រៃយ៍នៃការរិយាល័យនយោបាយ និងជាលេខាធិការនៃលេខាធិការដ្ឋានបក្សកុម្មុយនីស្តចិនបានបង្ហាញជំហរយ៉ាងមុតមាំរបស់រដ្ឋាភិបាលចិនក្នុងការជួយដោះស្រាយគ្រប់បញ្ហារបស់កម្ពុជាដែលជួបប្រទះក្នុងនោះរួមមានទាំងបញ្ហាប្រព័ន្ធអនុគ្រោះពន្ធ (EBA) ដែលសហភាពអឺរ៉ុបគ្រោងនឹងព្យួរផងដែរ ។ លោក វ៉ាន់…
លោក វ៉ាន់ ហូនីង សមាជិកគណៈអចិន្ត្រៃយ៍នៃការរិយាល័យនយោបាយ និងជាលេខាធិការនៃលេខាធិការដ្ឋានបក្សកុម្មុយនីស្តចិនបានបង្ហាញជំហរយ៉ាងមុតមាំរបស់រដ្ឋាភិបាលចិនក្នុងការជួយដោះស្រាយគ្រប់បញ្ហារបស់កម្ពុជាដែលជួបប្រទះក្នុងនោះរួមមានទាំងបញ្ហាប្រព័ន្ធអនុគ្រោះពន្ធ (EBA) ដែលសហភាពអឺរ៉ុបគ្រោងនឹងព្យួរផងដែរ ។
លោក វ៉ាន់ ហូនីង បានគូសបញ្ជាក់តបដោយបង្ហាញពីគោលជំហរយ៉ាងមុតមាំ និងច្បាស់លាស់របស់រដ្ឋាភិបាលចិនថា សម្តេចតេជោ ហ៊ុន សែន និងប្រទេសកម្ពុជា គឺជាមិត្តពិត ជាមិត្តដែកថែបរបស់ប្រទេស និងប្រជាជនចិន ដូច្នេះបើកម្ពុជាជួបបញ្ហាអ្វី ចិននឹងជួយដល់ប្រទេសកម្ពុជា ។ លោកលេខាបក្សកុម្មុយនីស្តចិនបានបញ្ជាក់ថា ភាគីចិនបានសិក្សាពីផលប៉ះពាល់នៃការដក EBA របស់សហភាពអឺរ៉ុបពីប្រទេសកម្ពុជា តែមិនមានការប៉ះពាល់ធ្ងន់ធ្ងរទេ ហើយចិននឹងរិះរកវិធីផ្សេងៗជួយដល់កម្ពុជា ។
សម្តេចតេជោ ហ៊ុន សែន ក៏បានថ្លែងកោតសរសើរផងដែរពីគំនិតផ្តួចផ្តើម «ខ្សែក្រវាត់ និងផ្លូវ» របស់ប្រធានាធិបតីចិនលោកស៊ី ជីនពីង ។ សម្តេចបានគូសបញ្ជាក់ថា វេទិកា «ខ្សែក្រវាត់ និងផ្លូវ» លើកទី២នេះទទួលបានជោគជ័យ ហើយតាមការសង្កេតរបស់សម្តេចការផ្តួចផ្តើមនេះ បានក្លាយទៅជាគោលដៅរួមរបស់ប្រទេសទាំងឡាយដែលបានចូលរួមក្នុងវេទិកា «ខ្សែក្រវាត់ និងផ្លូវ»នេះ ៕
ចែករំលែកព័តមាននេះ