ខេត្តមណ្ឌលគិរី ៖ កម្មករចំការកៅស៊ូពីរនាក់ផឹកស៊ីស្រវឹងខឹងជំពាក់លុយមិនសងទាញកាំបិតកាប់គ្នាបង្កឱ្យមានការភ្ញាក់ផ្អើលកាលពីម៉ោង៩និង៣០នាទី ថ្ងៃទី២៦ ខែមេសា ឆ្នាំ២០១៩ នៅចំណុចអូររ៉េត ស្ថិតនៅក្នុងភូមិពូទឺត ឃុំប៊ូស្រា ស្រុកពេជ្រាដា…
ខេត្តមណ្ឌលគិរី ៖ កម្មករចំការកៅស៊ូពីរនាក់ផឹកស៊ីស្រវឹងខឹងជំពាក់លុយមិនសងទាញកាំបិតកាប់គ្នាបង្កឱ្យមានការភ្ញាក់ផ្អើលកាលពីម៉ោង៩និង៣០នាទី ថ្ងៃទី២៦ ខែមេសា ឆ្នាំ២០១៩ នៅចំណុចអូររ៉េត ស្ថិតនៅក្នុងភូមិពូទឺត ឃុំប៊ូស្រា ស្រុកពេជ្រាដា ខេត្តមណ្ឌលគិរី។
សមត្ថកិច្ចបានឲ្យដឹងថា ករណីហិង្សាដោយចេតនាកើតឡើងដោយជនសង្ស័យឈ្មោះ តាំ ទឿត ភេទប្រុស អាយុ៣៥ឆ្នាំ មានស្រុកកំណើតភូមិគោកត្នោត ឃុំគោកចក ស្រុកពួក ខេត្តសៀមរាប ស្នាក់នៅកន្លែងកើតហេតុ ។
ចំណែកជនរងគ្រោះឈ្មោះ ទឹក ឌឿន ភេទប្រុស អាយុ៣២ឆ្នាំ មុខរបរសន្តិសុខក្រុមហ៊ុន មានស្រុកកំណើតភូមិឃុំទឹកឈូ ស្រុកដងទង់ ខេត្តសៀមរាប ស្នាក់នៅកន្លែងកើតហេតុដូចគ្នា។ ជនរងគ្រោះត្រូវជនសង្ស័យកាប់ចំខ្នង និងគល់ចង្កេះចំនួន៤កាំបិតបុ័ងតោ បណ្តាលឲ្យរងរបួស។
ពាក់ព័ន្ធករណីខាងលើនេះសមត្ថកិច្ចឱ្យដឹងថា មូលហេតុបណ្ដាលមកពីផឹកស្រាស្រវឹង និយាយមិនត្រូវគ្នារឿងជំពាក់លុយកាក់ ក៏កើតវាយគ្នាទៅវិញទៅមក ហើយជនសង្ស័យទៅយកកាំបិតកាប់ទៅលើជនរងគ្រោះតែម្តង។ បច្ចុប្បន្នជនរងគ្រោះកំពុងសម្រាកព្យាបាលនៅមណ្ឌលសុខភាពប៊ូស្រា រីឯជនសង្ស័យត្រូវបានឃាត់ខ្លួន ដើម្បីកសាងសំណុំរឿងតាមនីតិវិធី៕
ចែករំលែកព័តមាននេះ