ខេត្តកំពង់ធំ ៖ តាមសេចក្តីរាយការណ៍បឋមបានឲ្យដឹងថា មានករណីមួយបានកើតឡើងដោយបុរសម្នាក់កំពុងតែដេកសុខៗស្រាប់តែដាច់ខ្យល់ស្លាប់ នៅវេលាទៀបភ្លឺថ្ងៃទី២៧ ខែមេសា ឆ្នាំ២០១៩ ស្ថិតនៅផ្ទះជនរងគ្រោះនៅក្នុងភូមិសូភី ឃុំព្រះដំរី ស្រុកស្ទោង…
ខេត្តកំពង់ធំ ៖ តាមសេចក្តីរាយការណ៍បឋមបានឲ្យដឹងថា មានករណីមួយបានកើតឡើងដោយបុរសម្នាក់កំពុងតែដេកសុខៗស្រាប់តែដាច់ខ្យល់ស្លាប់ នៅវេលាទៀបភ្លឺថ្ងៃទី២៧ ខែមេសា ឆ្នាំ២០១៩ ស្ថិតនៅផ្ទះជនរងគ្រោះនៅក្នុងភូមិសូភី ឃុំព្រះដំរី ស្រុកស្ទោង ខេត្តកំពង់ធំ ។
សេចក្តីរាយការណ៍បន្ត សមត្ថកិច្ចប្រាប់ថា សពជនរងគ្រោះឈ្មោះ យន ឃាង ភេទប្រុស អាយុ៤១ឆ្នាំ នៅភូមិកើតហេតុខាងលើ ។ បើតាមការបំភ្លឺពីឈ្មោះ ង៉ោ យ៉វ អាយុ៥៤ឆ្នាំ ត្រូជាប្រពន្ធសពបានបញ្ជាក់ថា កន្លងមកប្តីរបស់គាត់ពុំដែលមានជម្ងឺអ្វីឈឺធ្ងន់ធ្ងរនោះទេ នៅមុនពេលកើតហេតុកាលពីល្ងាចថ្ងៃទី២៦ ខែមេសា បន្ទាប់ពីហូបបាយរួចប្តីគាត់ក៏អង្គុយនិយាយលេងជាមួយ និងកូនៗនៅក្រោមផ្ទះ បន្ទាប់មកគាត់ និងកូនបានឡើងមកមើលទូរទស្សន៍លើផ្ទះ ។
លុះដល់ម៉ោងប្រហែល២២យប់ជ្រៅ គាត់ក៏ចុះមកដេកក្រោមផ្ទះជាមួយនឹងប្តីរហូតដល់ម៉ោងប្រហែល២និង០០នាទីយប់ គាត់បានដាស់ប្តីគាត់អោយងើបដេញគោដែលចូលទៅផឹកទឹកពាង រួចហើយក៏មកប្រាសខ្លួនដេកវិញបានមួយសន្ទុះ ស្រាប់តែលឺសំឡេងប្តីខកៗគាត់ក៏បានងើបឡើងលើកត្រកងប្តី តែឃើញ.ក និងពោះប្តីគាត់ឡើងរឹង ភ្លាមនោះគាត់បានស្រែកហៅកូនៗ និងសាច់ញាតិជិតខាងជួយធ្វើចលនា តែគួរឲ្យអាណោចអាធម្មណាស់ ប្តីគាត់បានដាច់ខ្យល់ស្លាប់ភ្លាមៗបាត់ទៅហើយ ។
ក្រោយមកបានរាយការណ៍ជូនសមត្ថកិច្ចតែម្តង ការពិនិត្យសព គឺពុំមានស្លាកស្នាមអ្វីឡើយ ទើបសមត្ថកិច្ចការសន្និដ្ឋានថា ជនរងគ្រោះស្លាប់បណ្តាលមកពីគាំងបេះដូង ទើបសពប្រគល់ជូនប្រពន្ធធ្វើបុណ្យតាមប្រពៃណី ៕
ចែករំលែកព័តមាននេះ