ការងារចំនួនពីរម៉ឺនត្រូវបានបង្កើតឡើងជាមួយនឹងក្រុមហ៊ុនឃាង១៦០ក្រោមគម្រោងគំនិតផ្តួចផ្តើមខ្សែក្រវ៉ាត់និងផ្លូវរបស់ចិន ។ ជាមួយគ្នានេះ ការអភិវឌ្ឍសេដ្ឋកិច្ចក្រុងព្រះសីហនុជំហ៊ានពីរអាចនឹងបង្កើតការងារជូនប្រជាជនប្រមាណ ៨ម៉ឺននាក់បន្ថែមទៀត ។ នេះជាការលើកឡើងបស់សម្តចតជោហ៊ុនសែននៅក្នុងវេទិកា ផ្លូវនិងខ្សែក្រវ៉ាតនៅទីក្រុងប៉េកាំង។
សម្តេចតេជោបានបន្តថា សម្រាប់កម្ពុជាគំនិតផ្តួចផ្តើម «ខ្សែក្រវាត់ និងផ្លូវ» បានផ្តល់ផលប្រយោជន៍យ៉ាងច្រើនដល់ការអភិវឌ្ឍសេដ្ឋកិច្ច សង្គម វប្បធម៌។ ភាពជោគជ័យនៃការអភិវឌ្ឍតំបន់សេដ្ឋកិច្ចពិសេសខេត្តព្រះសីហនុ ដែលជាគម្រោងវិនិយោគដ៏ធំរបស់ចិន និងជាសក្ខីភាពមួយយ៉ាងច្បាស់នៃការកសាងគម្រោងផែនការសហប្រតិបត្តិការ «ខ្សែក្រវាត់ និងផ្លូវ» រវាងប្រទេសទាំងពីរ ។
គម្រោងទាំងនេះទទួលបានជោគជ័យល្អប្រសើរ ហើយបច្ចុប្បន្នមានក្រុមហ៊ុនចំនួន១៦១ កំពុងធ្វើសហប្រតិបត្តិការ។ ក្នុងនោះមានក្រុមហ៊ុនចិនចំនួន ១៤៨ និងបង្កើតការងារជូនប្រជាជនកម្ពុជាជាង ២ម៉ឺននាក់។
ការអភិវឌ្ឍសេដ្ឋកិច្ចក្រុងព្រះសីហនុជំហ៊ានពីរអាចនឹងបង្កើតការងារជូនប្រជាជនប្រមាណ ៨ម៉ឺននាក់បន្ថែមទៀត។ សមិទ្ធផលថ្មីមួយទៀតតាមរយៈគំនិតផ្តួចផ្តើមនេះ គឺកម្ពុជាសម្រេចបាននូវការកសាងផ្លូវល្បឿនលឿនភ្នំពេញ-ព្រះសីហនុ ដែលនឹងក្លាយទៅជាកម្លាំងចលករមួយចូលរួមកែប្រែវិមាត្រសេដ្ឋកិច្ចកម្ពុជា និងបង្កើនការតភ្ជាប់ក្នុងតំបន់ឱ្យកាន់តែប្រសើរឡើង៕
ចែករំលែកព័តមាននេះ