ខណ្ឌចំការមន​ដាក់​គោលដៅ​ត្រួតពិនិត្យ​ចរាចរណ៍​ផ្លូវគោក


រាជធានី​ភ្នំពេញ ៖ កាលពី​វេលា​យប់​ថ្ងៃ​ទី​២៥ ខែមេសា ឆ្នាំ​២០១៩ គណៈ​បញ្ជារ​ឯកភាព​ខណ្ឌចំការមន បាន​ដឹកនាំ​ចំរុះ​នៃ​អធិការដ្ឋាន​នគរបាល​ខណ្ឌចំការមន បាន​ដាក់​គោលដៅ​អនុវត្តន៍​ត្រួតពិនិត្យ​ជាតិ​ស្រវឹង និង​អាវុធ​ជាតិ​ផ្ទុះ ត្រង់​ចំណុច​មុខ​វិទ្យាល័យ​បឹង​ត្របែក ផ្លូវ​ព្រះ​មុនី​វង្ស សង្កាត់​ទន្លេបាសាក់​ខណ្ឌចំការមន ។

ប្រតិបត្តិការ​ខាងលើ​នេះ បាន​ធ្វើ​ឡើង​ដោយ​មានការ​ចូលរួម​ពី​លោក ថេ​ង សុ​ថុ​ល អភិបាល​នៃ​គណៈ​
អភិបាល ខណ្ឌចំការមន ដែល​ទើបនឹង​តែងតាំង​ថ្មី លោក យិ​ន សាន អធិការដ្ឋាន​ខណ្ឌចំការមន និង​លោក​ឧត្តមសេនីយ៍ត្រី ប៊ុ​ន សុ​សិក្ខា ស្នងការ​រង​រាជធានី​ភ្នំពេញ​បាន​ដឹកនាំ​កម្លាំង​សមត្ថកិច្ច​ចម្រុះ​នៃ​អធិការដ្ឋាន​ខណ្ឌចំការមន ដាក់​គោលដៅ​ត្រួតពិនិត្យ​ជាតិ​ស្រវឹង និង​អាវុធ​ជាតិ​ផ្ទុះ ត្រង់​ចំណុច​មុខ​វិទ្យាល័យ បឹង​ត្របែក ចាប់ពី​ម៉ោង​៩​យប់​ដល់​ម៉ោង​១២​រំលង​អា​ធ្រា​ត្រ ព្រមទាំង​ធ្វើការ​ឃាត់​រថយន្ត​និង​ម៉ូតូ​ជា​ច្រើន​គ្រឿង​ដើម្បី​ធ្វើការ​ត្រួតពិនិត្យ អាវុធ​ជាតិ​ផ្ទុះ និង​វាស់​ជាតិ​ស្រវឹង ព្រមទាំង​ធ្វើការ​អប់រំ​ណែនាំ ដល់​បងប្អូន​ប្រជាពលរដ្ឋ ដែល​ធ្វើ​ដំណើរ​តាម​ផ្លូវ​សូម​អោយ​ចូលរួម​គោរព​ច្បាប់​ចរាចរណ៍​ទាំងអស់​គ្នា នៅ​ពេល​ធ្វើ​ដំណើរ​តាម​ម៉ូតូ​ត្រូវ​ពាក់មួក​សុវត្ថិភាព និង​ដាក់​កញ្ចក់​ឲ្យ​បាន​ត្រឹមត្រូវ ចំណែក​អ្នក​បើករថយន្ត ត្រូវ​ពាក់​ខ្សែ​ក្រ​វា​ត់​អោយ​បាន​ត្រឹមត្រូវ​ផង​ដែរ ។

ជា​ចុង​ក្រោយ បន្ទាប់​ពី​ធ្វើការ​ឆែកឆេរ​ត្រួតពិនិត្យ និង​វាស់​ជាតិ​ស្រវឹង​រួច​ហើយ សមត្ថកិច្ច​បាន​រក​ឃើញ​អ្នកបើកបរ​ដែល​មាន​ជាតិ​ស្រវឹង​លើស​កំរិត​ចំនួន​១០​នាក់ តែ​សមត្ថកិច្ច មិន​បាន​ឃាត់ខ្លួន​មនុស្ស​នោះ បាន​ធ្វើការ​ដកហូត​ម៉ូតូ​ទៅ​រក្សា​ទុក​នៅ​អធិការដ្ឋាន​ខណ្ឌចំការមន​រង់ចាំ​ថ្ងៃស្អែក ទើប​អោយ​អ្នកបើកបរ​ដែល​មាន​ជាតិ​ស្រវឹង​ចូលខ្លួន​ទៅ​ធ្វើការ​បង់​ពិន័យ​តាម​ផ្លូវច្បាប់ ។ ដោយឡែក​អ្នក​ជិះ​ម៉ូតូ​អត់​ពាក់មួក​និង​អត់​កញ្ចក់​អាជ្ញាធរ​មិន​បាន​ឃាត់​បង់ ផាកពិន័យ​ទេ គឺ​គ្រាន់តែ​ឃាត់​អប់រំ​ណែនាំ​ហើយ​ឲ្យ​ត្រឡប់​ទៅ​វិញ ៕

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ