និស្សិត២នាក់ជិះម៉ូតូបុ.ករថយន្តកុងតឺន័រកំពុងបត់ឆ្វេងរបួ.សធ្ងន់
- ភ្នំពេញ
រាជធានីភ្នំពេញ៖ យុវជន២នាក់ដែលជានិស្សិតនៅវិទ្យាស្ថានពហុបច្ចេកទេសកម្ពុជា(NPIC) ខណៈជិះម៉ូតូ១គ្រឿងឌុបគ្នា ស្របទិសដៅជាមួយរថយន្តកុងតឺន័រ១គ្រឿងសុខៗ ស្រាប់តែរថយន្តនោះបត់ឆ្វេង ជាហេតុធ្វើឲ្យយុវជន២នាក់ខាងលើវាក់គេចចេញអត់ទាន់ ក៏ជ្រុលទៅបុកចំកាងមុខរថយន្តនោះពេញទំហឹង បណ្ដាលឲ្យរបួសធ្ងន់ទាំង២នាក់តែម្ដង ។
ឧប្បត្តិហេតុនោះបានកើតឡើងកាលពីវេលាម៉ោង៨និង៣០នាទីព្រឹកថ្ងៃទី២ ខែមិថនា ឆ្នាំ២០២៦ នៅត្រង់ចំណុចផ្សារជីប ម៉ុង ស្ថិតនៅតាមមហាវិថីឈ្នះឈ្នះ ភូមិសំរោង សង្កាត់សំរោងក្រោម សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
សមត្ថកិច្ចបានប្រាប់ឲ្យដឹងថា យុវជនរងគ្រោះ២នាក់ខាងលើនោះម្នាក់ឈ្មោះបូរ៉ា និងម្នាក់ទៀតឈ្មោះសិដ្ឋ អ្នកទាំង២ជានិស្សិតរៀននៅវិទ្យាស្ថានពហុបច្ចេកទេសកម្ពុជា(NPIC) មានទីលំនៅបុរីសន្តិភាព២ ភូមិដំណាក់ត្រយឹង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។ ដោយឡែករថយន្តបង្ក ម៉ាកDAEWOO ពណ៍ស លាយខៀវ ពាក់ស្លាកលេខត្បូងឃ្មុំ3A-1322 ដឹកទូកុងតឺន័របើកបរដោយបុរសមិនស្គាល់ឈ្មោះម្នាក់ ហើយរថយន្តនេះបានរងការខូចខាតក្រពឹតកាងមុខ ។
សមត្ថកិច្ចបានប្រាប់ឲ្យដឹងបន្តទៀតថា នៅវេលាម៉ោងខាងលើ ជនរងគ្រោះបានជិះម៉ូតូ១គ្រឿងម៉ាកហុងដាឌ្រីមសេ១២៥ ពណ៍ខ្មៅ ពាក់ស្លាកលេខព្រៃវែង1W-9872 ធ្វើដំណើរក្នុងទិសដៅពីត្បូងទៅជើង ស្របគ្នាពីក្រោយរថយន្តបង្ក១គ្រឿងនោះ ។ លុះពេលទៅដល់ចំណុចកើតហេតុខាងលើ ស្រាប់តែរថយន្តបានបត់ឆ្វេងអត់មើលក្រោយ ក៏ត្រូវម៉ូតូយុវនិស្សិត២នាក់នោះវាក់គេចអត់ទាន់ ក៏ជ្រុលទៅបុកចំកាងមុខខាងឆ្វេងរថយន្តនោះពេញទំហឹង បណ្ដាលឲ្យរងរបួសធ្ងន់ទាំង២នាក់តែម្ដង ។
ក្រោយពេលកើតហេតុជនរងគ្រោះត្រូវបានក្រុមសង្គ្រោះនៃមន្ទីរពេទ្យជាតិតេជោសន្តិភាព ដឹកយកទៅសង្គ្រោះបន្ទាន់ បន្ទាប់មកនគរបាលខណ្ឌពោធិ៍សែនជ័យ បានចុះទៅវាស់វែងនិងនាំយករថយន្ត ព្រមទាំងម៉ូតូទៅរក្សាទុករង់ចាំការដោះស្រាយគ្នានៅពេលក្រោយ ៕
ចែករំលែកព័តមាននេះ