ប្រទេសស៊ីរី ៖ យោងតាមរបាយការណ៍មួយចេញផ្សាយកាលពីថ្ងៃទី២៥មេសាអង្គការសិទ្ធិមនុស្ស AMNESTY INTERNATIONALនិយាយថា ការវាយលុកដណ្ដើមកាន់កាប់ទីក្រុងរ៉ាកាស៊ីរី ពីក្រុមរដ្ឋអ៊ិស្លាម បណ្ដាលឲ្យមនុស្សច្រើនពាន់នាក់ស្លាប់។ ក្នុងការវាយលុកនោះកាលពីឆ្នាំ២០១៧ ជនស៊ីវិលដល់ទៅជាង១៦០០នាក់បានត្រូវស្លាប់…
ប្រទេសស៊ីរី ៖ យោងតាមរបាយការណ៍មួយចេញផ្សាយកាលពីថ្ងៃទី២៥មេសាអង្គការសិទ្ធិមនុស្ស AMNESTY INTERNATIONALនិយាយថា ការវាយលុកដណ្ដើមកាន់កាប់ទីក្រុងរ៉ាកាស៊ីរី ពីក្រុមរដ្ឋអ៊ិស្លាម បណ្ដាលឲ្យមនុស្សច្រើនពាន់នាក់ស្លាប់។ ក្នុងការវាយលុកនោះកាលពីឆ្នាំ២០១៧ ជនស៊ីវិលដល់ទៅជាង១៦០០នាក់បានត្រូវស្លាប់ ក្រោមការវាយលុករបស់ក្រុមចម្រុះអន្តរជាតិប្រឆាំងជីហាដ នាំមុខដោយសហរដ្ឋអាមេរិក ប្រឆាំងក្រុមរដ្ឋអ៊ិស្លាមក្នុងទីក្រុងស៊ីរីនោះ។
អតីតរដ្ឋធានីរបស់កាលីហ្វាតប្រកាសដោយក្រុមរដ្ឋអ៊ិស្លាម ត្រូវរងការបំផ្លាញជិត៨០% ក្នុងការវាយលុកដោយទ្រង់ទ្រាយធំនោះ ដែលមានរយៈពេលដល់៤ខែ។ អង្គការAMNESTY INTERNATIONALបានធ្វើការស៊ើបអង្កេតនោះ ដោយរួមសហការជាមួយអង្គការAIRWARS ដែលធ្វើជំរឿនបណ្ដាជនរងគ្រោះស៊ីវិល មកពីការទម្លាក់គ្រាប់បែកលើពិភពលោក។
លទ្ធផលនៃការសិក្សារបស់ពួកគេ ជាផ្លែផ្កានៃការស្រាវជ្រាវរយៈពេលច្រើនខែ នៅទីលានផ្ទាល់និងការវិភាគលើបណ្ដាទិន្នន័យ ក្នុងនោះមានរូបភាពផ្កាយរណបដល់ទៅជាង២លាន សិក្សាដោយពួកអ្នកស្ម័គ្រចិត្ត៣០០០នាក់របស់ប្រទេស១២៤ដែលចូលរួមក្នុងគម្រោងនេះ។
មានឯកសារជាច្រើនរបស់AMNESTY INTERNATIONA ប្រហែលជាបង្ហាញពីការរំលោភបំពានលើច្បាប់មនុស្សធម៌អន្តរជាតិ ដែលចាំបាច់ឲ្យមានការស៊ើបអង្កេតដោយស៊ីជម្រៅមួយ។ អង្គការនោះលើកឡើងទៀតថា ការទម្លាក់គ្រាប់បែកជាច្រើនមិនត្រូវចំគោលដៅហើយការបាញ់កាំភ្លើងធំ ក៏ត្រូវបានធ្វើទាំងងងឹតងងល់ដែលនាំឲ្យស្លាប់ជនស៊ីវិលច្រើន៕
ចែករំលែកព័តមាននេះ