បើក​វគ្គ​ហ្វឹកហ្វឺន​ជំនាញ​ស៊ើបការណ៍ ប្រដាប់​អាវុធ​ឆ្នាំ​២០១៩ នៅ​សាលា​ពល​ទាហាន​ទី​៥


ខេត្តបាត់ដំបង ៖ «​បើក​វគ្គ​ហ្វឹកហ្វឺន​ជំនាញ​ស៊ើបការណ៍ ប្រដាប់​អាវុធ វគ្គ​ហ្វឹកហ្វឺន​វា​ជា​ផ្នែក​ជំនាញ​ដ៏​មាន​សារសំខាន់ សម្រាប់​កង​យោធពលខេមរភូមិន្ទ បាន​ធ្វើការ​អភិវឌ្ឍន៍ ធនធានមនុស្ស និង​តាម​រយៈ​ការ​បង្កើន គុណភាព ហ្វឹកហាត់ និង​បណ្តុះបណ្តាល​យោធិន​អាជីព ក្នុង​គោលដៅ​កសាង​កងកម្លាំងប្រដាប់អាវុធ វ័យក្មេង សម្រាប់​បន្តវេន នា​ពេល​អនាគត​» ។

នេះ​ជា​ការ​លើក​ឡើង​របស់​លោក​ឧត្តមសេនីយ៍ទោ អុិន សុខា​វុ​ឌ្ឍី មេបញ្ជាការ​រង​យោធភូមិ​ភាគ​ទី​៥ តំណាង​លោក មេបញ្ជាការ​យោធភូមិ​ភាគ​ទី​៥ ថ្លែង​ក្នុង​ពិធី​បើក​វគ្គ​ហ្វឹកហ្វឺន​ជំនាញ​ស៊ើបការណ៍ ប្រដាប់​អាវុធ​ឆ្នាំ​២០១៩ នៅ​សាលា​ពល​ទាហាន​ទី​៥ ( បឹង​ជរា​ជ ) ស្ថិត​ក្នុងភូមិ​បត់​សាលា ឃុំ​ឈើទាល ស្រុក​បាណ​ន់ ខេត្តបាត់ដំបង និង​វត្តមាន​អញ្ជើញ​ចូលរួម​ពី​លោក​មេបញ្ជាការ​រង សេនាធិការ​រង មេបញ្ជាការ មេបញ្ជាការ​រង​កងពលតូច តំបន់​ប្រតិបត្តិការ​សឹក​រង​ខេត្ត មេបញ្ជាការ​កង​ព្រំដែន វរ​សេនា​តូច អស់លោក​នាយក នាយករង សាលា​ពល​ទាហាន មន្ត្រី​នគរបាល កងរាជអាវុធហត្ថ តំណាង​អាជ្ញាធរ​ឃុំ​-​ស្រុក និង​នាយទាហាន​ជា​ច្រើន​រូប​ផង​ដែរ ។

ក្នុង​របាយការណ៍​បើក​វគ្គ​ហ្វឹកហ្វឺន​នេះ លោក​ឧត្តមសេនី៍យ៍ត្រី សួន សុ​ន នាយក​សាលា​ពល​ទាហាន​ទី​៥ បានអោយ​ដឹង​ថា វគ្គ​ហ្វឹកហ្វឺន​ដែល​ត្រូវ​បាន​ដំណើរការ​បើក​នា​ពេល​នេះ គឺជា​វគ្គ​ដ៏​មាន​សារៈសំខាន់​ក្នុង​ការ​បង្កើន​ធនធានមនុស្ស និង​បណ្តុះបណ្តាល​យោធិន​អាជីព​អោយ​មាន​សមត្ថភាព ចេះ​ចាំ​ស្ទាត់​នៅ​គ្រប់មុខ​វិជ្ជា​ជំនាញ ទ័ពថ្មើរជើង ដើម្បី​ឆ្លើយ​តប​ទៅ​នឹង​ភារកិច្ច​របស់​កង​យោធពលខេមរភូមិន្ទ និង​មានគោលបំណង​សំដៅ​ចូលរួម​អនុវត្តន៍​ផែនការ​របស់​អគ្គមេបញ្ជាការ​រង កង​យោធពលខេមរភូមិន្ទ មេបញ្ជាការ​កងទ័ពជើងគោក ដើម្បី​ប្រែក្លាយ​យោធិន​អាជីព​វ័យក្មេង​មាន​សមត្ថភាព គុណភាព​គ្រប់មុខ​ជំនាញ ស្រប​ទៅ​នឹង​សេចក្តី​ត្រូវការ​របស់​កង​យោធពលខេមរភូមិន្ទ​នា​ពេល​បច្ចុប្បន្ន ​។​

វគ្គ​ហ្វឹកហ្វឺននេះ​​មាន​សិក្ខាកាម​មក​ពី​៨​កងឯកភាព ចំណុះ​យោធភូមិ​ភាគ​ទី​៥ យោធា​ចា​រ្យ​១២​នាក់ គ្រប់គ្រង​បំរើ​ការ​១៧​នាក់ សិក្ខាកាម​១៥០​នាក់ សរុប​១៧៩​នាក់ ដែល​មាន​រយៈពេល​ហ្វឹកហ្វឺន​ចំនួន​៦១​ថ្ងៃ ចាប់ផ្តើម​ពី​ថ្ងៃ​ទី​២៥ ខែមេសា ដល់ ថ្ងៃ​ទី​២៤ ខែមិថុនា ឆ្នាំ​២០១៩ ដោយ​បាន​សិក្សា​លើ​មេរៀន យោធា​រួម យុ​ទ្ឋ​វិធី​ថ្មើរជើង បច្ចេកទេស​អាវុធ​ថ្មើរជើង នឹង ការងារ​អប់រំ​ចិត្តសាស្ត្រ ។

ថ្លែង​ក្នុង​ពិធី​បើក​វគ្គ​ហ្វឹកហ្វឺន​ជំនាញ​ស៊ើបការណ៍ ប្រដាប់​អាវុធ​ឆ្នាំ​២០១៩ នៅ​សាលា​ពល​ទា​ហា​ទី​៥ លោក​ឧត្តមសេនីយ៍ទោ អ៊ិ​ន សុខា​វុ​ឌ្ឍី បាន​លើក​ឡើង​ថា ពិតជា​មាន​សារៈសំខាន់​សម្រាប់​កង​យោធពលខេមរភូមិន្ទ​លើ​ការងារ ហ្វឹកហាត់ ផ្នែក​ជំនាញ ចំណេះដឹង សមត្ថភាព​គ្រប់គ្រាន់ ដែល​ជា​កត្តា​ចម្បង​របស់​កងទ័ព​នឹង​ឈាន​ទៅ​សម្រេច​បាន​ជោគជ័យ ព្រមទាំង​បាន​ធ្វើការ​ឯកភាព​ទៅ​លើ​ផែនការ​ហ្វឹកហ្វឺន​របស់​សាលា​ពល​ទាហាន​ទី​៥ ក្នុង​ការ​ហ្វឹកហាត់​ដល់ កងកំលាំង អោយ​បាន​យល់​ដឹង និង​មាន​កំរិត​ផង​ដែរ ។

ជំនួស​មុខ​អោយ​លោក​មេបញ្ជាការ​យោធភូមិ​ភាគ​៥ លោក​ឧត្តមសេនីយ៍ទោ អ៊ិ​ន សុខា​វុ​ឌ្ឍី បាន​លើក​ឡើង​ថា សម្រាប់​កង​យោធពលខេមរភូមិន្ទ ការងារ​ហ្វឹកហ្វឺន​វា​ជា​ចំណែក​មួយ​ពុំ​អាច​ខ្វះ​បាន​ពី​ការ​ចូលរួម​របស់​កងទ័ព​យើង និង កសាង​កំលាំង​ទ័ព​លើ​វិស័យ​ការពារ​ជាតិ​អោយ​បាន​រឹង​មាំ ក្នុង​នោះ​ដែរ គ្រប់​បណ្តា​កងឯកភាព​បន្ត​យកចិត្តទុកដាក់ ការងារ​គ្រប់គ្រង​ចំនួន​ទ័ព​អោយ​មាន​មុខជា​ប្រចាំ ដើម្បី​ធានា​បាន​ទាំង​បរិមាណ គុណភាព និង​ជីវភាព​រស់នៅ​របស់​កងទ័ព​សមរម្យ ស្រប​តាម​គោលនយោបាយ​រដ្ឋាភិបាល​អាណត្តិ​ទី​៦ ក្រោម​ការ​ដឹកនាំ​របស់​សម្តេច​តេ​ជោ ហ៊ុន សែន ដើម្បី​អោយ​កងទ័ព​កាន់តែ​មាន​សុវត្ថិភាព និង​ជីវភាព​រស់នៅ​កាន់តែ​ប្រសើរ​ជាង​មុន​។

លោក​ឧត្តមសេនីយ៍ទោ​មេបញ្ជាការ​រង​យោធភូមិ​ភាគ​ទី​៥ បាន​ផ្តល់​ការ​ណែនាំ​ដល់​សិក្ខាកាម​ទាំងអស់​ត្រូវ​យកចិត្តទុកដាក់​សឹ​ក្សា​រៀនសូត្រ និង​គោរព​វិន័យ​របស់​សាលា សហការ សាមគ្គី​ផ្ទៃក្នុង​អោយ​បាន​ល្អ រហូត​ដល់​ពេល​បញ្ចប់​វគ្គ ទទួល​បាន​ល​ទ្ឋ​ផល​ជោគជ័យ​ផង​ដែរ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ