ប្រទេសស្រីលង្កា ៖ ប៉ូលិសនិងប្រជាជនរាយការណ៍ថា ការផ្ទុះថ្មីមួយទៀតកើតមាននាថ្ងៃទី២៥មេសា នៅច្រកចូលនៃតុលាការទីក្រុងPUGODAស្រីលង្កា ស្ថិតនៅចម្ងាយ៤០គីឡូម៉ែត្រខាងកើតរដ្ឋធានីកូឡុំបូ។
អ្នកនាំពាក្យប៉ូលិសម្នាក់និយាយថា ពុំមានសេចក្ដីរាយការណ៍ពីជនរងគ្រោះឡើយ។ ម្យ៉ាងទៀតបណ្ដានិយោជិតនៃធនាគារកណ្ដាលក្រុងកូឡុំបូ បានទទួលការណែនាំឲ្យស្ថិតក្នុងអគារដោយសារ ការប្រកាសអាសន្នពីសន្តិសុខ។ ចំណែកផ្លូវចូលព្រលានយន្តហោះសំខាន់ នៃទីក្រុងត្រូវបិទព្រោះតែប្រទះឃើញរថយន្តសង្ស័យមួយគ្រឿង នៅចំណតជិតខាងមួយ។
ប្រទេសស្រីលង្កានៅតែមានការផ្អើលនៅឡើយ បន្ទាប់ពីការវាយប្រហារភេរវកម្មនានាកាលពីថ្ងៃទី២១មេសា នាឱកាសបុណ្យPAQUESគ្រឹស្ត ប្រឆាំងបណ្ដាព្រះវិហារកាតូលិកនិងបណ្ដាសណ្ឋាគារទំំនើប របស់ប្រទេសបណ្ដាលឲ្យមនុស្សស្លាប់ដល់ទៅ៣៥៩នាក់ និងប្រមាណជា៥០០នាក់រងរបួស។ ការវាយប្រហារដែលមានការសម្របសម្រួលគ្នា ប្រព្រឹត្តដោយជនអត្តឃាត៨នាក់ ក្នុងនោះមាននារីម្នាក់ ប្រកាសទទួលខុសត្រូវដោយក្រុមរដ្ឋអ៊ិស្លាម។
ការវាយប្រហារទាំងនេះបច្ចុប្បន្ន នាំឲ្យពួកអ៊ិស្លាមក្នុងប្រទេស មានការព្រួយបារម្ភចំពោះការសងសឹកនានា៕
ចែករំលែកព័តមាននេះ