រាជធានីភ្នំពេញ ៖ ម៉ូតូមួយគ្រឿងម៉ាកហុងដា ពាក់ស្លាកលេខ ភ្នំពេញ១CY- ៣៩២៣ បើកបរដោយបុរសម្នាក់បានទាក់ដៃចង្កូតជាមួយម៉ូតូមួយគ្រឿងទៀតជិះគ្នាពីរនាក់ប្តីប្រពន្ធ ម៉ាកហុងដា ពាក់ស្លាកលេខ សៀមរាប…
រាជធានីភ្នំពេញ ៖ ម៉ូតូមួយគ្រឿងម៉ាកហុងដា ពាក់ស្លាកលេខ ភ្នំពេញ១CY- ៣៩២៣ បើកបរដោយបុរសម្នាក់បានទាក់ដៃចង្កូតជាមួយម៉ូតូមួយគ្រឿងទៀតជិះគ្នាពីរនាក់ប្តីប្រពន្ធ ម៉ាកហុងដា ពាក់ស្លាកលេខ សៀមរាប ១T-១៥២១ ធ្វើឱ្យរេចង្កូតទៅបុកខឿនចិញ្ចើមផ្លូវលូទឹកស្អុយ បណ្តាលឲ្យភាគីខាងបុរសម្នាក់ជិះម៉ូតូម៉ាកហុងដា ពាក់ស្លាកលេខ ភ្នំពេញ១CY- ៣៩២៣ ធ្លាក់ចូលលូទឹកស្អុយទាំងមនុស្សទាំងម៉ូតូ បង្កអោយមានការភ្ញាក់ផ្អើលកាលពីវេលាម៉ោង១០យប់ថ្ងៃទី២៤ ខែមេសា ឆ្នាំ២០១៩ នៅតាមបណ្ដោយផ្លូវជាតិលេខ៤ ទល់មុខវិទ្យាល័យជម្ពូវ័ន ដែលស្ថិតនៅភូមិជម្ពូវ័ន្ត សង្កាត់ចោមចៅទី៣ ខណ្ឌពោធិ៍សែនជ័យ ។
ភាគីខាងម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១៥ ពណ៌ខ្មៅ ពាក់ស្លាកលេខ ភ្នំពេញ១CY- ៣៩២៣ បើកបរដោយបុរសម្នាក់មិនស្គាល់អត្តសញ្ញាណ ។ ចំណែកភាគីខាងម៉ូតូមួយគ្រឿងទៀតជិះគ្នា២នាក់ប្តីប្រពន្ធ ម៉ាកហុងដាឌ្រីម ស៊េរីឆ្នាំ២០១៥ ពណ៌ខ្មៅ ពាក់ស្លាកលេខ សៀមរាប ១T-១៥២១ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញប្ដីប្រពន្ធ២នាក់ជិះម៉ូតូមួយគ្រឿងម៉ាកហុងដាឌ្រីម ពាក់ស្លាកលេខ សៀមរាប ១T-១៥២១ បើកបរក្នុងទិសដៅពីលិចទៅកើត លុះមកដល់ចំណុចកើតហេតុខាងលើបម្រុងបត់ស្ដាំដោយមានស៊ីញ៉ូផងដែរ ស្រាប់តែមានបុរសម្នាក់បើកបរម៉ូតូមួយគ្រឿងម៉ាកហុងដាឌ្រីម ពាក់ស្លាកលេខ ភ្នំពេញ១CY- ៣៩២៣ បើកបរក្នុងល្បឿនលឿនក្នុងទិសដៅពីលិចទៅកើតស្របទិសគ្នា បានទាក់ដៃចង្កូតគ្នាធ្វើឱ្យរេចង្កូតបុកខឿនចិញ្ចើមផ្លូវលូទឹកស្អុយ បណ្តាលឲ្យអ្នកបើកបរម៉ូតូពាក់ស្លាកលេខ ភ្នំពេញ១CY- ៣៩២៣ ធ្លាក់ចូលលូទឹកស្អុយទាំងមនុស្ស ទាំងម៉ូតូ សំណាងល្អអ្នកបើកបរមិនមានរងរបួសនោះទេ គ្រាន់តែខូចខាតម៉ូតូតែប៉ុណ្ណោះ។
ភ្លាមៗនោះដែរ ដោយមានអ្នកផឹកស៊ីនៅក្បែរកន្លែងកើតហេតុបាននាំគ្នាជួយយកអ្នកបើកបរ និង ម៉ូតូចេញពីលូទឹកស្អុយភ្លាមៗផងដែរ ។
ក្រោយពេលកើតហេតុ ភាគីទាំងសង្ខាងបានសំរបសំរួលនៅនឹងកន្លែងកើតហេតុ ដោយនិយាយរកហេតុផល ដោយសារភាគីខាងបុរសជិះម៉ូតូម៉ាកហុងដា ពាក់ស្លាកលេខ ភ្នំពេញ ១CY- ៣៩២៣ បើកបរក្នុងល្បឿនលឿនខ្វះការប្រុងប្រយ័ត្នដោយខ្លួនឯង ហើយភាគីខាងម៉ូតូមួយគ្រឿងជិះគ្នា២នាក់ប្តីប្រពន្ធបានជួយសងចំនួន១០ម៉ឺនរៀល ជាមនោសញ្ចេតនា ដើម្បីបញ្ចប់រឿងនៅកន្លែងកើតហេតុ៕
ចែករំលែកព័តមាននេះ