រាជធានីភ្នំពេញ ៖ អគ្គិសនីកម្ពុជាបានប្រកាសផ្អាកការផ្គត់ផ្គង់ចរន្តអគ្គិសនី នៅតាមតំបន់មួយចំនួនក្នុងរាជធានីភ្នំពេញ ចាប់ពីថ្ងៃទី២៥ដល់ថ្ងៃទី២៨ ខែមេសា ឆ្នាំ២០១៩ ដើម្បីធ្វើការជួសជុល ផ្លាស់ប្តូរ និងតម្លើងបរិក្ខារនានា ។ សេចក្តីជូនដំណឹងរបស់អគ្គិសនីកម្ពុជាបានឱ្យដឹងថា ទីតាំងដែលត្រូវផ្អាកការផ្គត់
ផ្គង់អគ្គិសនី ក្នុងរយៈពេលពេញមួយថ្ងៃចាប់ពីម៉ោង៧ព្រឹក ដល់ម៉ោង១៧ល្ងាចនៅថ្ងៃទី២៥ ខែមេសា
មានដូចជា នៅក្នុងសង្កាត់ផ្សារថ្មីទី២ ខណ្ឌដូនពេញ (សាខាវត្តភ្នំ) សង្កាត់ស្ទឹងមានជ័យទី២ សង្កាត់ស្ទឹង
មានជ័យទី៣ ខណ្ឌមានជ័យ និងសង្កាត់ចោមចៅទី១ ខណ្ឌពោធិ៍សែនជ័យ ។
នៅថ្ងៃទី២៦ ខែមេសា ចាប់ពីម៉ោង៧ព្រឹកដល់ម៉ោង១៧ល្ងាច នឹងផ្អាកការផ្គត់ផ្គង់អគ្គិសនី នៅក្នុងសង្កាត់ភ្នំពេញថ្មី សង្កាត់គោកឃ្លាង សង្កាត់ក្រាំងធ្នង់ សង្កាត់ឃ្មួញ ខណ្ឌសែនសុខ (សាខាអូបែកក្អម) និងតំបន់មួយចំនួនក្នុងសង្កាត់ត្រពាំងក្រសាំង សង្កាត់សំរោងក្រោម សង្កាត់ចោមចៅទី៣ ខណ្ឌពោធិ៍សែនជ័យ សង្កាត់គោករកា ខណ្ឌព្រែកព្នៅ សង្កាត់កំបូល សង្កាត់កន្ទោក សង្កាត់ឪឡោក ខណ្ឌកំបូល ឃុំបែកចាន ឃុំពើក ឃុំឆក់ឈើនាង ក្នុងស្រុកអង្គស្នួល ខេត្តកណ្ដាល(សាខាអូដឹម) និងតំបន់ ចំនួនក្នុងសង្កាត់កោះដាច់ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ស្រុកល្វាឯម ស្រុកខ្សាច់កណ្ដាល ស្រុកមុខកំពូល ខេត្តកណ្ដាល ស្រុកពារាំង ខេត្តព្រៃវែង (សាខាវត្តភ្នំ) ។
នៅថ្ងៃទី២៧ ខែមេសា ចាប់ពីម៉ោង៧ព្រឹកដល់ម៉ោង១៧ល្ងាច នឹងផ្អាកការផ្គត់ផ្គង់អគ្គិសនី នៅក្នុងសង្កាត់ស្រះចក ខណ្ឌដូនពេញ(សាខាវត្តភ្នំ) តំបន់មួយចំនួន នៅក្នុងសង្កាត់ចោមចៅទី១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ(សាខាទួលពង្រ) នៅក្នុងសង្កាត់ត្រពាំងក្រសាំង សង្កាត់សំរោងក្រោម សង្កាត់ចោមចៅទី៣ ខណ្ឌពោធិ៍សែនជ័យ សង្កាត់គោករកា ខណ្ឌព្រែកព្នៅ សង្កាត់កំបូល សង្កាត់កន្ទោក សង្កាត់ឪឡោក ខណ្ឌកំបូល រាជធានីភ្នំពេញ ឃុំបែកចាន ឃុំពើក ឃុំឆក់ឈើនាង ក្នុងស្រុកអង្គស្នួល ខេត្តកណ្ដាល(សាខាអូដឹម) ។
នៅថ្ងៃទី២៨ ខែមេសា ចាប់ពីម៉ោង៧ព្រឹកដល់ម៉ោង១៧ល្ងាច នឹងផ្អាកការផ្គត់ផ្គង់អគ្គិសនី នៅក្នុងសង្កាត់ចោមចៅទី២ ខណ្ឌពោធិ៍សែនជ័យ(សាខាអូដឹម) តំបន់មួយចំនួន ស្ថិតក្នុងសង្កាត់ចោមចៅទី៣ សង្កាត់ត្រពាំងក្រសាំង ខណ្ឌពោធិ៍សែនជ័យ សង្កាត់កន្ទោក សង្កាត់កំបូល សង្កាត់ឪឡោក ខណ្ឌកំបូល ឃុំបែក
ចាន ឃុំពើក ឃុំឆក់ឈើនាង ឃុំសំរោងលើក្នុងស្រុកអង្គស្នួល ខេត្តកណ្ដាល(សាខាអូដឹម)។ អគ្គិសនីកម្ពុជាបានបញ្ជាក់ថា ការជូនដំណឹងជាមុននេះ គឺដើម្បីឱ្យប្រជាពលរដ្ឋនៅតំបន់ផ្គត់ផ្គង់ខាងលើ បានទទួលព័ត៌មានជាមុន និងដើម្បីសុំការអធ្យាស្រ័ចំពោះការផ្តាច់ចរន្ដអគ្គិសនីនេះ ។
តាមការកត់សម្គាល់ពីគ្រប់មជ្ឈដ្ឋាន បញ្ហាផ្ដាច់ចរន្តអគ្គិសនីម្ដងព្រឹកម្ដងល្ងាចក្នុងរាជធានីភ្នំពេញ ហាក់បានក្លាយជាទម្លាប់ទៅហើយ តែអ្វីនៅតែមានការជជែកគ្នាពីគ្រប់ំជ្ឈដ្ឋាននោះ បែរជាតម្លៃទូទាត់ការប្រើប្រាស់អគ្គិសនីមិនបានថយចុះ តាមការដាច់៥ទៅ៦ម៉ោងនោះទេ បែរជាមានការកើនឡើងទៅវិញ ។ មានការកត់សម្គាល់ថា ចាប់តាំងពីខែមីនា រហូតដល់ចុងខែមេសានេះ ភ្លើងអគ្គិសនីនៅទូទាំងប្រទេស ពិសេសនៅភ្នំពេញ ដាច់ព្រឹកដាច់ល្ងាច រាល់ថ្ងៃ ហើយតំបន់ខ្លះភ្លើងអគ្គិសនីបានបន្តដាច់នៅពេលយប់ថែមទៀត នាដំណាក់កាលចុងក្រោយនេះ ។ បញ្ហានានាត្រូវបានមហាជនបង្ហោះតាមហ្វេសប៊ុករអ៊ូរទាំ និងសាកសួរជាចំហទៅកាន់អគ្គិសនីកម្ពុជា( EDC)តែ EDC បែរជាសង្ងំស្ងៀមឈឹង ។
នៅថ្ងៃទី២៤ មេសា នៅលើបណ្ដាញសង្គមហ្វេសប៊ុក មានសារជាច្រើនត្រូវបានបង្ហោះ អមដោយវិក្ក័យបត្រភ្លើងដែលឡើងថ្លៃ១ជា២។ ក្នុងនោះអ្នកលេងហ្វេសប៊ុកម្នាក់លើកឡើងថា កាលមិនសូវដាច់អស់តែ១០៦.៤០០រៀល ពេលដាច់មួយថ្ងៃ៥ទៅ៦ម៉ោងអស់២៨៥.២០០រៀល និងខែក្រោយមិនដឹងយ៉ាងម៉េចយ៉ាងម៉ាទេ ។ បើដាច់១ថ្ងៃ៦ម៉ោងហើយថែមយប់៤ទៅ៥ម៉ោងទៀត ។
មកដល់ពេលនេះ មិនមានការបកស្រាយជាផ្លូវការណាមួយ ចេញពីមន្ត្រីជំនាញអគ្គិសនីកម្ពុជា EDC ចំពោះករណីភ្លើងអគ្គិសនីដាច់រាល់ថ្ងៃ រាល់យប់ តែគីឡូឡើងនៅឡើយទេ ខណៈមហាជនកំពុងរង់ចាំយ៉ាងអន្ទះសារ ។
គិតទៅខែក្ដៅហើយ…ដាច់ដូរវេនហើយ…នៅមានចង្រៃជួសជុលទៀត ៕
ចែករំលែកព័តមាននេះ