ក្រុងហុងកុង ៖ មេដឹកនាំ៤នាក់នៃចលនាប្រជាធិបតេយ្យក្រុងហុងកុង ហៅក្រុមចលនាឆ័ត្រ កាលពីថ្ងៃទី២៤ មេសា ទទួលការកាត់ទោសដាក់គុក ដោយសារការទទួលខុសត្រូវរបស់ពួកគេ ក្នុងបាតុកម្មដ៏ធំបណ្ដាលឲ្យមានការស្ទះក្នុងទីក្រុងនោះកាលពីឆ្នាំ២០១៤។ ការកាត់ទោសពួកគេបានត្រូវពួកអ្នកការពារសិទ្ធិមនុស្សបរិហារ…
ក្រុងហុងកុង ៖ មេដឹកនាំ៤នាក់នៃចលនាប្រជាធិបតេយ្យក្រុងហុងកុង ហៅក្រុមចលនាឆ័ត្រ កាលពីថ្ងៃទី២៤ មេសា ទទួលការកាត់ទោសដាក់គុក ដោយសារការទទួលខុសត្រូវរបស់ពួកគេ ក្នុងបាតុកម្មដ៏ធំបណ្ដាលឲ្យមានការស្ទះក្នុងទីក្រុងនោះកាលពីឆ្នាំ២០១៤។
ការកាត់ទោសពួកគេបានត្រូវពួកអ្នកការពារសិទ្ធិមនុស្សបរិហារ ព្រោះមានការបារម្ភចំពោះសេរីភាពក្នុងទីក្រុងនោះ ដែលប្រគល់ឲ្យចិនវិញកាលពីឆ្នាំ១៩៩៧។ ពួកគេត្រូវកាត់ទោសពីបទចូលរួម ក្នុងការបះបោររបស់ពួកចលនាឆ័ត្រ កាលពីរដូវស្លឹកឈើជ្រុះឆ្នាំ២០១៤ទាមទារមិនបានសម្រេច ឲ្យក្រុងប៉េកាំងធ្វើការកែទម្រង់នយោបាយនានានៅហុងកុង។
លោកCHAN KIN MAN អាយុ៦០ឆ្នាំ សាស្ត្រាចារ្យសង្គមវិទ្យា លោកBENNY TAIអាយុ៥៤ឆ្នាំសាស្ត្រាចារ្យច្បាប់ ជាសហស្ថាបនិកចលនាOCCUPY CENTRAL ហៅចលនាឆ័ត្រ ទទួលការកាត់ទោសដាក់គុក១៦ខែ ។ ជន២នាក់ទៀតទទួលការកាត់ទោសដាក់គុក៨ខែ។ ចំណែកមនុស្ស៤នាក់ទៀតកាត់ទោសដាក់គុកជាមួយការព្យួរទោស ឬត្រូវបំពេញការងារសម្រាប់ផលប្រយោជន៍សាធារណៈ។
ជនជាប់ចោទទី៩ ត្រូវប្រកាសទោសនាពេលក្រោយព្រោះជាប់វះកាត់ខួរក្បាល៕
ចែករំលែកព័តមាននេះ