ខេត្តព្រៃវែង ៖ បុរសចំណាស់ម្នាក់ ត្រូវកូនប្រុសបង្កើតកាប់ចំនួន៤ពូថៅបណ្តាលឱ្យស្លាប់ភ្លាមនៅនឹងកន្លែង ដោយសារខឹងឪពុកបោកទូរស័ព្ទចោល ។ ករណីនេះ កើតឡើងកាលពីវេលាម៉ោង៤និង៣៥នាទីទៀបភ្លឺថ្ងៃទី១៩ ខែមេសា កន្លងទៅ…
ខេត្តព្រៃវែង ៖ បុរសចំណាស់ម្នាក់ ត្រូវកូនប្រុសបង្កើតកាប់ចំនួន៤ពូថៅបណ្តាលឱ្យស្លាប់ភ្លាមនៅនឹងកន្លែង ដោយសារខឹងឪពុកបោកទូរស័ព្ទចោល ។ ករណីនេះ កើតឡើងកាលពីវេលាម៉ោង៤និង៣៥នាទីទៀបភ្លឺថ្ងៃទី១៩ ខែមេសា កន្លងទៅ នៅនឹងផ្ទះជនរងគ្រោះស្ថិតក្នុងភូមិព្រៃរូង ឃុំដំរីពួន ស្រុកស្វាយ
អន្ទរ ។
កូនតិរិច្ឆាននេះឈ្មោះ ឡេង ហន អាយុ២៣ឆ្នាំ ចំណែកបុរសជាឪពុកដែលត្រូវកូនកាប់ស្លាប់ ឈ្មោះ ឡេង សៅ អាយុ៥០ឆ្នាំ ។ ទាំងឪពុកនិងកូន រស់នៅក្នុងផ្ទះជាមួយគ្នា ក្នុងភូមិកើតហេតុខាងលើ ។ប្រភពព័ត៌មានពីលោក អ៊ុង ផាន អធិការនគរបាលស្រុកស្វាយអន្ទរ បានឱ្យដឹងថា នៅយប់កើតហេតុនោះ ជនរងគ្រោះនិងកូនប្រុស រួមជាមួយអ្នកជិតខាងម្នាក់ទៀត បានអង្គុយផឹកស៊ីជុំគ្នានៅផ្ទះកើតហេតុ ។
លុះផឹកសុីដល់កណ្តាលអធ្រាត្រ អ្នកជិតខាងក៏ទៅផ្ទះវិញទៅ នៅសល់តែឪពុកនិងកូននៅផឹកបណ្តើរនិយាយគ្នាបណ្តើរ រហូតដល់ម៉ោង៤ទៀបភ្លឺ មិនដឹងមូលហេតុអ្វី ស្រាប់តែឪពុកឡើងទៅលើផ្ទះ យកទូរស័ព្ទកូនប្រុសបោកបែកអស់ ។ ភ្លាមនោះកូនបានសួរថា ម៉េចក៏បោកទូរសព្ទ័ខ្ញុំបែកអស់អុីចឹង ឯឪពុកក៏តបថា អញបោក កុំឱ្យអ្ហែងមានអីមើលទៀត ។
ខណៈឮបែបនេះ កូនប្រុសឆេះដុំតែមិនដឹងធ្វើអី្វបាន ក៏យកព្រនង់ទៅវាយក្របីនៅមុខផ្ទះ ។ លុះឪពុកឃើញក៏ចុះពីលើផ្ទះស្ទុះទៅធាក់កូនប្រុស១ជើងចំមុខ ទើបធ្វើឱ្យកូនប្រុសខឹងកាន់តែខ្លាំង ក៏ស្ទុះទៅយកពូថៅកាប់ឪពុកចំនួន៤ពូថៅ ត្រូវជង្គង់ ទ្រូង ក្រោមក្លៀកស្តាំ និងកញ្ចឹងក បណ្តាលឱ្យស្លាប់ភ្លាមនៅនឹងកន្លែង ។ បន្ទាប់មក កូនប្រុសក៏រត់ឡើងទៅសម្ងំនៅលើផ្ទះដោយមិនបានរត់ទៅណាទេ រហូតទាល់តែសមត្ថកិច្ចទៅដល់និងឃាត់ខ្លួនតែម្តង ។
ដោយឡែក ប្រភពព័ត៌មានពីអ្នកជិតខាងក៏ដូចជាក្រុមគ្រួសារដែរបានឱ្យដឹងថា បុរសជាឪពុកក៏ជាមនុស្សខូចណាស់ដែរ កន្លងមកឱ្យតែស្រវឹងគឺតែងតែជេរបញ្ចោរ និងវាយធ្វើបាបប្រពន្ធកូនជានិច្ច ។ លុះលើកនេះទំនងជាកូនប្រុសទ្រាំលែងបានហើយមើលទៅ ទើបដាច់ចិត្តកាប់សម្លាប់ឪពុកបែបនេះ ៕
ចែករំលែកព័តមាននេះ