រាជធានីភ្នំពេញ ៖ ភ្លៀងបានបង្អុរធ្លាក់យ៉ាងខ្លាំង នៅល្ងាចនេះ បណ្ដាលឲ្យទឹកជន់លិចផ្ទះ និងផ្លូវនានា នៅតំបន់មួយចំនួននៅរាជធានីភ្នំពេញ ។ តាមព័ត៌មានបានឲ្យដឹងថា នៅវេលាម៉ោងប្រមាណ៤ល្ងាចថ្ងៃទី១៧…
រាជធានីភ្នំពេញ ៖ ភ្លៀងបានបង្អុរធ្លាក់យ៉ាងខ្លាំង នៅល្ងាចនេះ បណ្ដាលឲ្យទឹកជន់លិចផ្ទះ និងផ្លូវនានា នៅតំបន់មួយចំនួននៅរាជធានីភ្នំពេញ ។
តាមព័ត៌មានបានឲ្យដឹងថា នៅវេលាម៉ោងប្រមាណ៤ល្ងាចថ្ងៃទី១៧ ខែឧសភា ឆ្នាំ២០២៦ ភ្លៀងបានបង្អុរធ្លាក់យ៉ាងខ្លាំង អស់រយៈពេលប្រមាណកន្លះម៉ោង នៅផ្នែកខាងលិចរាជធានីភ្នំពេញ នៅក្នុងខណ្ឌពោធិ៍សែនជ័យ និងខណ្ឌកំបូល បណ្ដាលអោយផ្លូវមួយចំនួន ត្រូវទឹកជនលិច ហើយទឹកស្អុយបានហូរចេញមកក្រៅបង្កឲ្យប៉ះពាល់បរិស្ថានយ៉ាងធ្ងន់ធ្ងរ ។
ដោយឡែក នៅមុខផ្សារ ឯករាជ្យ២ នៅក្នុងសង្កាត់ចោមចៅទី៣ ខណ្ឌពោធិ៍សែនជ័យ ទឹកបានជន់លិចផ្លូវជិតត្រឹមជង្គង់ បណ្ដាលឱ្យយានយន្តមួយចំនួន បានរលត់។ នៅផ្ទះប្រជាពលរដ្ឋនៅតាមដងផ្លូវ ត្រូវទឹកជនលិច បង្កការលំបាកយ៉ាងខ្លាំង ដល់ប្រជាពលរដ្ឋនៅតំបន់នោះ ។ ទោះបីជាយ៉ាងណា នៅវេលាល្ងាចនោះដែរ នៅក្នុងរាជធានីភ្នំពេញ មានតំបន់មួយចំនួន ភ្លៀងបានធ្លាក់តិចតួច តែប៉ុណ្ណោះ ៕
ចែករំលែកព័តមាននេះ