ខេត្តកំពង់ស្ពឺ៖ ក្រុមជនសង្ស័យចំនួន០២នាក់ ក្នុងចំណោមបក្ខពួក០៣នាក់ ត្រូវបានកម្លាំងនគរបាលស្រុកគងពិសីធ្វើការឃាត់ខ្លួនបាន ខណៈក្រុមជនសង្ស័យត្រៀមធ្វើសកម្មភាព ហើយក៏ពើបប្រទះជាមួយកម្លាំងនគរបាលធ្វើការល្បាតក្នុងមូលដ្ឋានក៏ឃាត់ខ្លួនតែម្តង។ នគរបាលស្រុកគងពិសីបានបន្តឱ្យដឹងថា÷ ដោយបានបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ…
ខេត្តកំពង់ស្ពឺ៖ ក្រុមជនសង្ស័យចំនួន០២នាក់ ក្នុងចំណោមបក្ខពួក០៣នាក់ ត្រូវបានកម្លាំងនគរបាលស្រុកគងពិសីធ្វើការឃាត់ខ្លួនបាន ខណៈក្រុមជនសង្ស័យត្រៀមធ្វើសកម្មភាព ហើយក៏ពើបប្រទះជាមួយកម្លាំងនគរបាលធ្វើការល្បាតក្នុងមូលដ្ឋានក៏ឃាត់ខ្លួនតែម្តង។
នគរបាលស្រុកគងពិសីបានបន្តឱ្យដឹងថា÷ ដោយបានបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងការចង្អុលណែនាំពីលោកឧត្ដមសេនីយ៍ត្រីស្នងការរងផែនការងារនគរបាលព្រហ្មទណ្ឌ កំលាំងអធិការដ្ឋាននគរបាលស្រុកគងពិសី ដឹកនាំដោយលោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានបញ្ជាដឹកនាំអោយកំលាំងផ្នែកព្រហ្មទណ្ឌសហការស្រាវជ្រាវករណីប៉ុនប៉ងលួចមានស្ថានទម្ងន់ទោស (កាប់ប្លន់យកម៉ូតូ) នៅវេលាម៉ោង០១និង១៥នាទីរំលងអាធ្រាត្រឈានចូលថ្ងៃទី១៣ ខែឧសភា ឆ្នាំ២០២៦ នៅតាមបណ្តោយផ្លូវជាតិលេខ៤១ ចំណុចក្នុងភូមិបឹងប្រស្រែ ឃុំព្រៃញាតិ ស្រុកគងពិសី ខេត្តកំពង់ស្ពឺ ឃើញមុខសញ្ញាសង្ស័យមានគ្នា៣នាក់ ជិះម៉ូតូ០២គ្រឿងម៉ាកហុងដាសេ១២៥ពណ៌ខ្មៅគ្មានស្លាកលេខដោយមានការសង្ស័យកម្លាំងបានធ្វើការឃាត់សួរនាំជនសង្ស័យបានដកកាំបិតកញ្ចែតបម្រុងកាប់មកលើសមត្ថកិច្ច។ រីឯជនសង្ស័យបានជិះម៉ូតូរត់គេចរហូតចូលដល់ទឹកដីស្រុកបសេដ្ឋបានសហការជាមួយកម្លាំងអធិការដ្ឋាននគរបាលស្រុកបរសេដ្ឋ ឃាត់បាន០២នាក់។
នគរបាលស្រុកគងពិសីបានបន្តឱ្យដឹងទៀតថា ក្រុមជនសង្ស័យចំនួន០២នាក់ដែលឃាត់ខ្លួនបាន ទី១-ឈ្មោះ អាន ពន្លឺ ភេទប្រុស អាយុ១៧ឆ្នាំមុខរបរមិនពិតប្រាកដ រស់នៅភូមិរកា ឃុំរកា ស្រុកកណ្តាលស្ទឹង ខេត្តកណ្តាល និងទី២-ឈ្មោះ សុខ ភក្តី ភេទប្រុស អាយុ១៦ឆ្នាំមុខរបរមិនពិតប្រាកដ រស់នៅក្នុងភូមិសេកពង ឃុំលំហាច ស្រុកអង្គស្នួល ខេត្តកណ្តាល បញ្ជូនមកសួរនាំនៅអធិការដ្ឋាននគរបាលស្រុកគងពិសី និង(ម្នាក់ទៀតរត់គេចខ្លួន)។
នគរបាលខេត្តកំពង់ស្ពឺបានបញ្ជាក់ថា បើយោងតាមចម្លេីយយ៉ាខ្លីរបស់ក្រុមជនសង្ស័យខាងលើថាពួកគេដេីរយប់បបួលគ្នាចេញដើរកាប់ប្លន់នៅតាមផ្លូវជាតិលេខ៤១។
នគរបាលខេត្តកំពង់ស្ពឺបានបញ្ជាក់បន្ថែមទៀតថា បច្ចុប្បន្នជនសង្ស័យទាំង០២នាក់ រួមជាមួយម៉ូតូ០១គ្រឿងម៉ាកហុងដាសេ១២៥ពណ៌ខ្មៅស៊េរីឆ្នាំ២០២៦ គ្មានស្លាកលេខ បានកសាងសំណុំរឿងបញ្ជូនទៅការិយាល័យជំនាញព្រហ្មទណ្ឌនៃស្នងការដ្ឋាននគបាលខេត្តកំពង់ស្ពឺ ដើម្បីចាត់ការបន្តតាមផ្លូវច្បាប់ ៕
ចែករំលែកព័តមាននេះ