តាមប្រភពព័ត៌មាន Metro បានឱ្យដឹងថា ជនសង្ស័យថា ជាអ្នកបោកគ្រាប់បែកអត្តឃាតនៅក្នុងព្រះវិហារកាលពីថ្ងៃមុន ត្រូវបានគេតាមវីឌីអូកាមេរ៉ាសុវត្ថិភាពអង្អែលក្បាលក្មេងស្រីម្នាក់ មុននឹងធ្វើសកម្មភាពរបស់ខ្លួន ។ កាមេរ៉ាសុវត្ថិភាពបានបង្ហាញពីសកម្មភាពរបស់បុរសម្នាក់ដែលគេសង្ស័យថាជាម្នាក់ក្នុងចំណោមជនដៃដល់ លេងក្បាលរបស់ក្មេងស្រីម្នាក់…
តាមប្រភពព័ត៌មាន Metro បានឱ្យដឹងថា ជនសង្ស័យថា ជាអ្នកបោកគ្រាប់បែកអត្តឃាតនៅក្នុងព្រះវិហារកាលពីថ្ងៃមុន ត្រូវបានគេតាមវីឌីអូកាមេរ៉ាសុវត្ថិភាពអង្អែលក្បាលក្មេងស្រីម្នាក់ មុននឹងធ្វើសកម្មភាពរបស់ខ្លួន ។
កាមេរ៉ាសុវត្ថិភាពបានបង្ហាញពីសកម្មភាពរបស់បុរសម្នាក់ដែលគេសង្ស័យថាជាម្នាក់ក្នុងចំណោមជនដៃដល់ លេងក្បាលរបស់ក្មេងស្រីម្នាក់ មុនពេលបោកគ្រាប់បែកសម្លាប់ជីវិតអ្នកបន់ស្រន់នៅក្នុងព្រះវិហារលើផ្លូវ Sebastian ក្នុងទីក្រុង Negombo ប្រទេសស្រីលង្ការ ចំនួន១១០នាក់។
គេឃើញជនសង្ស័យម្នាក់នោះអង្អែលក្បាលរបស់ក្មេងស្រីម្នាក់ ដែលជាចៅរបស់លោកតា Dilip Fernando មុនពេលចូលទៅក្នុងព្រះវិហារ។ លោកតា Fernando អាយុ៦៦ឆ្នាំ មានសំណាងល្អយ៉ាងខ្លាំងដោយសារតែគាត់មិនបានជាប់នៅក្នុងព្រះវិហារ។ ពេលនោះកុំអីគាត់ចូលក្នុងហ្នឹងហើយ តែគាត់ឃើញមានមនុស្សច្រើនជ្រុលពេក ហើយក៏ទៅរកព្រះវិហារផ្សេងទៅ។
លោកតាបាននិយាយថា៖ «ខ្ញុំឃើញបុរសម្នាក់ដើរមកក្រោយគេជាមួយនឹងកាតាបស្ពាយក្រោយមួយយ៉ាងធ្ងន់។ គេបានមកប៉ះក្បាលចៅស្រីរបស់ខ្ញុំ ហើយដើរទៅបាត់។ ម្នាក់នោះគឺជាអ្នកបោកគ្រាប់បែកហ្នឹងហើយ»។
គួរបញ្ជាក់ផងដែរថា មានមនុស្សសរុប៣២១នាក់ ដែលត្រូវបានសម្លាប់នៅក្នុងហេតុការណ៍នោះ កាលពីថ្ងៃអាទិត្យ ខណៈដែលមាន៥០០នាក់ទៀត រងរបួស៕
ចែករំលែកព័តមាននេះ