ប្រទេសអាល្លឺម៉ង់់ ៖ កង់មុខរបស់យន្តហោះធុនប៊ូអ៊ីញ787-9មួយគ្រឿង របស់ក្រុមហ៊ុនអាកាសចរណ៍LUFTHANSA បានស្រុត កាលពីថ្ងៃទី៤ មិថុនា នៅព្រលានយន្តហោះ FRANCFORT អាល្លឺម៉ង់ បណ្ដាលឲ្យមនុស្សច្រើននាក់រងរបួសក្នុងចំណោមបុគ្គលិក ។
ច្រមុះរបស់យន្តហោះប៊ូអ៊ីញ787-9 នោះ ពេលកង់មុខស្រុត បណ្ដាលឲ្យច្រមុះយន្តហោះបុកប៉ះខ្លាំងលើដីមុនពេលដាក់មនុស្ស ដើម្បីហោះឡើង ។ ឧប្បត្តិហេតុនោះ បណ្ដាលឲ្យមនុស្សច្រើននាក់ រងរបួសក្នុងចំណោមបុគ្គលិក ។ នេះជាការគូសបញ្ជាក់នាថ្ងៃទី ៤ មិថុនា របស់ក្រុមហ៊ុនអាកាសចរណ៍អាល្លឺម៉ង់នោះ ។
បញ្ហាកង់មុខនោះ ស្រុតកើតមាន១ម៉ោងមុន ពេលហោះឡើងទៅកាន់ក្រុងឡូសអេនចឺឡេស ។ ពេលយន្តហោះស្ថិតក្នុងជំហរឈប់សំចតដាក់មនុស្ស កង់មុខក៏ស្រាប់តែបត់នឹកស្មានមិនដល់ ។ បណ្ដាអ្នកដំណើរនៅមិនទាន់ឡើងចូលយន្តហោះនៅឡើយតែនិយោជិត សមាជិកក្រុមយានិក និងបុគ្គលិកនៅលើដីច្រើននាក់បានរងរបួស។
តាមវីដេអូផ្សាយដោយកាសែតអាល្លឺម់ង់BILD គេឃើញកង់មុខរបស់យន្តហោះ ស្រាប់តែបត់ទៅមុខ បណ្ដាលឲ្យច្រមុះយន្តហោះស្ថិតក្នុងកម្ពស់ជាង២ម៉ែត្រ ធ្លាក់មកខាងក្រោមមុនពេលបុកដី ។ បុគ្គលិកម្នាក់ស្ថិតនៅក្រោមក្បាលយន្តហោះបានគេចផុតគ្រោះដោយប្រផិតប្រផើយ ៕
ចែករំលែកព័តមាននេះ