រាជធានីភ្នំពេញ ៖ លោកប៉ាវ ស៊ីណា ប្រធានសម្ព័ន្ធសហជីពចលនាកម្មករបានស្នើឲ្យរាជរដ្ឋាភិបាលផ្តល់ឱកាសដល់សហជីពបានច្រើន ក្នុងការផ្តល់មតិយោបល់ធ្វើច្បាប់នានាពាក់ព័ន្ធនឹងវិស័យការងារ ។ លោកប៉ាវ ស៊ីណា ប្រធានសម្ព័ន្ធសហជីពចលនាកម្មករបានឲ្យដឹងនៅថ្ងៃទី២៤…
រាជធានីភ្នំពេញ ៖ លោកប៉ាវ ស៊ីណា ប្រធានសម្ព័ន្ធសហជីពចលនាកម្មករបានស្នើឲ្យរាជរដ្ឋាភិបាលផ្តល់ឱកាសដល់សហជីពបានច្រើន ក្នុងការផ្តល់មតិយោបល់ធ្វើច្បាប់នានាពាក់ព័ន្ធនឹងវិស័យការងារ ។ លោកប៉ាវ ស៊ីណា ប្រធានសម្ព័ន្ធសហជីពចលនាកម្មករបានឲ្យដឹងនៅថ្ងៃទី២៤ មេសាយ៉ាងដូច្នេះថា «គេប្រជុំបង្កើតការប្រកាសពីការទូទាត់ប្រាក់បំណាច់ អតីតភាពការផ្សេងយើងឃើញថា សហជីពអត់បានដឹង និងចូលរួមអ្វីទេ ។ ហើយពាក់ព័ន្ធនឹងគ្រោងរបស់ រាជរដ្ឋាភិបាលប្រកាសកាត់បន្ថយការឈប់សម្រាក៧ថ្ងៃ ក្នុងមួយឆ្នាំក៏ភាគីសហជីពអត់ដឹងដែរ» ។
លោកបញ្ជាក់ថា«ខ្ញុំចង់បញ្ជាក់ថា ប្រសិនបើការសម្រេចអ្វីមួយពាក់ព័ន្ធនឹងកម្មករនិយោជិក យើងមិនជំទាស់ចំពោះក្រសួងចំពោះរាជរដ្ឋាភិបាលក្នុងការសម្រេចនោះទេ ប៉ុន្តែយើងគិតថាដើម្បីសម្រេចនោះហើយយកទៅការអនុវត្តមិនមានភាពចម្រុងចម្រាស់ ឬប្រតិកម្មផ្សេងៗពីកម្មករនិយោជិត និងភាគីពាក់ព័ន្ធ ។
ខ្ញុំគិតថា យើងគួរពិភាក្សាគ្នាព្រោះថា យើងមិនអាចធីប(បិទ) តំណាងសហជីពកម្មរទុកជាវត្ថុគ្មានតម្លៃបាននោះទេ» ។ លោកបន្ថែមថា សហជីពក៏តំណាងឲ្យកម្មកររាប់ម៉ឺននាក់ ដូច្នេះត្រូវមានសម្លេងគ្រប់គ្រាន់ក្នុងការបញ្ចេញទស្សនៈរបស់កម្មករ និងបញ្ហាផ្សេងៗទៀត ដូច្នេះខ្ញុំគិតទាំងច្បាប់សហជីព ឬច្បាប់ពាក់ព័ន្ធនឹងកម្មករគួរបើកឱកាសឲ្យបានទូលំទូលាយ និងមានពេលវេលាគ្រប់គ្រាន់ក្នុងការជជែកគ្នា ដើម្បីឲ្យការធ្វើច្បាប់មួយមានភាពល្អប្រសើរ ៕
ចែករំលែកព័តមាននេះ