សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ អះអាងកាលពីថ្ងៃទី២២មេសាថា សភាពុំអាចដកលោកចេញពីតំណែងបានឡើយ ទោះបីមានការជជែកដេញដោលគ្នាយ៉ាងពុះកញ្ជ្រោលរបស់ពួកអ្នកប្រជាធិបតេយ្យពីរឿងនេះ ចាប់តាំងពីការចេញផ្សាយរបាយការណ៍ស៊ើបអង្កេត របស់រដ្ឋអាជ្ញាពិសេសលើការជ្រៀតជ្រែករបស់រុស្សុីក៏ដោយ។
ពេលសួរលោកថាតើលោកមានការបារម្ភចំពោះនីតិវិធី ដែលគំរាមដកតំណែងលោកដែរទេ លោកត្រាំឆ្លើយទៅកាន់ក្រុមអ្នកកាសែតថា គ្មានការបារម្ភអីទាំងអស់។ ខ្ញុំមិនបានប្រព្រឹត្តបទល្មើសអ្វីមួយ ដូច្នេះគេមិនអាចដកតំណែងខ្ញុំបានទេ។ វាទាល់តែមានការប្រព្រឹត្តកំហុសធ្ងន់ធ្ងរទើបអាចឈានទៅដកហូតតំណែងបាន។
ក្រោយការស៊ើបអង្កេតអស់ពេល២២ខែមក រដ្ឋអាជ្ញាពិសេសលោកROBERT MUELLER បានសន្និដ្ឋានក្នុងរបាយការណ៍របស់លោក ចេញផ្សាយកាលពីថ្ងៃទី១៨មេសាថា ពុំមានការព្រមព្រៀងគ្នារវាង ក្រុមឃោសនាបោះឆ្នោតរបស់លោកត្រាំនិងក្រុងមូស្គូឡើយ។ ប៉ុន្តែទោះបីយ៉ាងណាលោកត្រាំនៅជាប់ការសង្ស័យលើការសាកល្បង បំផ្លាញការសើុបអង្កេតរបស់លោកMUELLER ជាបទល្មើសរារាំងតុលាការ៕
ចែករំលែកព័តមាននេះ