ប្រទេសអារ៉ាប៊ីសាអូឌីត ៖ ទូរទស្សន៍AL ARABIA រាយការណ៍កាលពីថ្ងៃទី២១ មេសាថា ជនវាយប្រហារ៤នាក់ បានត្រូវសម្លាប់ដោយកងកម្លាំងសន្តិសុខអារ៉ាប៊ីសាអូឌីត ពេលពួកគេប៉ងវាយប្រហារពុំបានសម្រេច ប្រឆាំងប៉ុស្តិ៍ប៉ូលិសនៃខេត្តរីយ៉ាដ…
ប្រទេសអារ៉ាប៊ីសាអូឌីត ៖ ទូរទស្សន៍AL ARABIA រាយការណ៍កាលពីថ្ងៃទី២១ មេសាថា ជនវាយប្រហារ៤នាក់ បានត្រូវសម្លាប់ដោយកងកម្លាំងសន្តិសុខអារ៉ាប៊ីសាអូឌីត ពេលពួកគេប៉ងវាយប្រហារពុំបានសម្រេច ប្រឆាំងប៉ុស្តិ៍ប៉ូលិសនៃខេត្តរីយ៉ាដ នាភាគកណ្ដាលប្រទេស។
ទូរទស្សន៍នោះគូសបញ្ជាក់ថា ជនទាំង៤នាក់នេះបានចូលរួមក្នុងការវាយប្រហារប្រឆាំងប៉ុស្តិ៍ប៉ូលិសនៅZOULFI ជាទីក្រុងតូចមួយស្ថិតនៅចម្ងាយ២៥០គីឡូម៉ែត្រភាគពាយ័ព្យរាជធានីរីយ៉ាដ។ តាមវីដេអូមួយគេឃើញរថយន្ត១គ្រឿង ស្ថិតនៅប៉ុស្តិ៍ត្រួតពិនិត្យមួយកន្លែងដោយមានទ្វារចំហ និងឃើញសាកសពមនុស្ស២នាក់ដេកនៅលើដីក្បែររថយន្តនេះ។ យោងតាមទូរទស្សន៍AL ARABIAថា ពួកអ្នកវាយប្រហារប្រដាប់ដោយកាំភ្លើងយន្ត គ្រាប់បែកនិងដបសាំង។
ពួកអ៊ិស្លាមនិយមប្រដាប់អាវុធតែងប៉ងវាយប្រហារ បណ្ដាទីតាំងកងកម្លាំងសន្តិសុខចាប់តាំងពីច្រើនឆ្នាំមកហើយនៅអារ៉ាប៊ីសាអូឌីត។ កាលពីឆ្នាំទៅមិញសមាជិកម្នាក់នៃកងកម្លាំងសន្តិសុខនិងជនជាតិបង់ក្លាដែសម្នាក់បានត្រូវស្លាប់ ក្នុងការវាយប្រហារប៉ុស្តិ៍ត្រួតពិនិត្យមួយ នៅBOURAIDAH ហើយប៉ូលិសម្នាក់ស្លាប់ក្នុងការវាយប្រហារមួយទៀតនៅក្រុងTAEF ភាគខាងលិចប្រទេស៕
ចែករំលែកព័តមាននេះ