ប្រទេសបារាំង ៖ តែប៉ុន្មានម៉ោងក្រោយ បន្ទាប់ពីភ្លើងបានឆាបឆេះបំផ្លាញព្រះវិហារ Notre Dame Cathedral ដ៏ល្បីល្បាញរបស់បារាំងនោះ មហាសេដ្ឋីបារាំងមួយរូបបានចេញមុខជួយលុយជាង១១៣លានដុល្លារ (១០០លានអឺរ៉ូ) ដើម្បីជួសជុលព្រះវិហារនោះឡើងវិញ។
លោកហ្វ្រង់ស័រ ហេនរី ភីណុល (Francois Henri Pinault) ត្រូវបានដកស្រង់សម្តីដោយទីភ្នាក់ងារសារព័ត៌មានអាភ៊ របស់អាមេរិកដូចដែលបាននិយាយថា «ឪពុករបស់ខ្ញុំ និងខ្ញុំបានសម្រេចចិត្តបញ្ចេញលុយចំនួន១០០លានអឺរ៉ូ នៅត្រឹមពេលនេះដើម្បីចូលរួមចំណែកនៅក្នុងកិច្ចប្រឹងប្រែង ដើម្បីជួសជុលព្រះវិហារ Notre Dame ឡើងវិញ»។
លោកហ្វ្រង់ស័រ ហេនរី គឺជានាយកប្រតិបត្តិរបស់ក្រុមហ៊ុនអន្តរជាតិ Kering ដែលរួមមានផងដែរ ផលិតផលម៉ាក Gucci។ ចំណែកប្រធានាធិបតីបារាំងបានសន្យាថា នឹងធ្វើយុទ្ធនាការ ដើម្បីប្រមូលមូលនិធិ ដើម្បីជួសជុលឡើងវិញព្រះវិហារ Notre Dame ដ៏ល្បីល្បាញនេះដែលអាចទាក់ទាញភ្ញៀវទេសចរណ៍ទៅកាន់លេងចំនួន១៣លាននាក់ជារៀងរាល់ឆ្នាំ៕ ប្រភពវីដេអូ ៖ AFP
ចែករំលែកព័តមាននេះ