អាជ្ញាធរ​ថៃ​ដោះ​លែង​ពលរដ្ឋ​ខ្មែរ​ចំនួន​៤​នាក់


ខេត្តឧត្តរមានជ័យ ៖ ក្រុម​អាជ្ញាធរ​ថៃ​បាន​ធ្វើការ​ដោះ​លេង​អ្នកទោស​ខ្មែរ​ចំនួន​៤​នាក់​ឱ្យ​មាន​សេរីភាព​វិញ
និ​ង​នាំ​ខ្លួន​យក​មក​ប្រគល់​ឱ្យ​អាជ្ញាធរ​កម្ពុជា​នៅ​មាត់ច្រក​ទ្វារ​អន្តរជាតិ​ជាំ សា​ងាំ ស្ថិត​នៅ​ក្នុងភូមិ​ជាំ ឃុំ​ត្រពាំង​ប្រី​យ៍ ស្រុក​អន្លង់​វែង ខេត្តឧត្តរមានជ័យ កាលពី​វេលា​ម៉ោង​១១​និង​១០​នាទី​ព្រឹក​ថ្ងៃ​ទី​១០ ​មេ​សា​២០១៩​។

អ្នកទោស​ខ្មែរ​ចំនួន​៤​នាក់​ដែល​ក្រុម​អាជ្ញាធរ​ថៃ​ធ្វើការ​ដោះ​លេង ក្នុង​នោះ​រួម​មាន ១-​ឈ្មោះ​សៀ​ប ទិន ភេទ​ប្រុស អាយុ​៣៥​ឆ្នាំ ២-​ឈ្មោះ ឈិ​ត ធី ភេទ​ប្រុ ស​អាយុ​២៦​ឆ្នាំ ៣-​ឈ្មោះ​ភ័​ក្រ ម៉​ង ភេទ​ប្រុស អាយុ​២៣​ឆ្នាំ និង​៤-​ឈ្មោះ​ជិន ជោ​ន ភេទ​ប្រុស អាយុ​២៣​ឆ្នាំ ។ អ្នក​ទាំង​៤​នាក់​រស់នៅ​ភូមិ​កន្ទួត ឃុំ​ជាំ​ក្សាន្ត ស្រុក​ជាំ​ក្សាន្ត ខេត្តព្រះវិហារ ហើយ​ត្រូវ​បាន​ក្រុម​ទាហាន​ថៃ​ចាប់ខ្លួន​កាលពី​ថ្ងៃ​ទី​១៦ តុលា ២០១៧ ពី​បទ​ឆ្លង​ដែន​កាប់​ឈើ​គ្រញូង​ខុសច្បាប់ ចូល​តាម​ច្រក​តា​សឹម ហើយ​ត្រូវ​អាជ្ញាធរ​ថៃ​ចាប់​ដាក់​ពន្ធនាគារ​នៅ​ខេត្ត​ស៊ី​សាកេ​ត ប្រទេស​ថៃ​។

មន្ត្រី​ដែល​បម្រើ​ការងារ​នៅ​មាត់ច្រក​ទ្វារ​អន្តរជាតិ​ជាំ សា​ងាំ​បានឱ្យ​ដឹង​ថា ក្រុម​អាជ្ញាធរ និង មន្ត្រី​តុលាការ​អម​សាលាដំបូង​ខេត្ត​ស៊ី​សាកេ​ត ប្រទេស​ថៃ បាន​សម្រេច​ដោះ​លែង​ពលរដ្ឋ​ខ្មែ​ចំនួន​៤​នាក់​ខាងលើ ហើយ​បាន​នាំ​ខ្លួន​យក​មក​ប្រគល់​ឱ្យ​ក្រុម​អាជ្ញាធរ​កម្ពុជា​វិញ​កាលពី​ព្រឹក​ថ្ងៃ​ទី​១០ មេ​សា ២០១៩ ក្រោយ​ពី​បាន​ទទួល​អ្នកទោស​ខ្មែរ​ក្រុម​អាជ្ញាធរ​កម្ពុជា​បាន​ធ្វើការ​ណែនាំ និង​ធ្វើ​កិច្ចសន្យា​រួច​ឱ្យ​វិល​ត្រឡប់​ទៅ​លំនៅ​ឋាន​ជួបជុំ​ក្រុម​គ្រួសារ​ក្នុង​ថ្ងៃ​ដដែល​៕

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ