៤៦ថ្ងៃ រស់ដោយការផឹកស្រាបៀរជំនួសអាហារទៅវិញ
អាមេរិក ៖ តាមប្រភពពី Oddity Central បានឱ្យដឹងថា បុរសម្នាក់ដែលជានាយកផ្នែកលក់ក្រុមហ៊ុនផលិតស្រាបៀរ Fifty West នៅ…
អាមេរិក ៖ តាមប្រភពពី Oddity Central បានឱ្យដឹងថា បុរសម្នាក់ដែលជានាយកផ្នែកលក់ក្រុមហ៊ុនផលិតស្រាបៀរ Fifty West នៅ Cincinnati រដ្ឋអូហាយ៉ូ បានសម្រេចចិត្តតមអាហាររឹងទាំងឡាយ ហើយមកពឹងលើការផឹកស្រាតែមួយមុខគត់ នៅក្នុងពិធីបុណ្យតមអាហាររបស់សាសនាគ្រឹស្តរយៈពេល៤៦ថ្ងៃ។
នៅក្នុងពិធីនេះ អ្នកគោរពសាសនាគ្រឹស្តិបានលះបង់លើការទទួលទានស្រាមួយរយៈ ដោយសារតែគេយល់ថា វាជាការលះបង់អ្វីដែលធ្វើឱ្យគេសប្បាយ។ តែសម្រាប់លោក Dell Hall លោកបានបោះបង់អាហារទាំងឡាយ ហើយមកទទួលទានតែស្រាបៀរសុទ្ធ និង លេបថ្នាំវីតាមីន រយៈពេល៤៦ថ្ងៃ ។
លោកប្រាប់ថា នៅពេលផ្តាច់អាហារដំបូង លោកពិតជាពិបាកនឹងទ្រាំណាស់ ពេលផឹកស្រាបៀរដោយគ្មានអ្វីក្លែម។ តែក្រោយមក លោកក៏អាចធ្វើបាន ហើយជាលទ្ធផល លោកបានស្រកទម្ងន់បាន១៤គីឡូក្រាម និងអាចដឹងក្លិននៅក្នុងខ្យល់ច្បាស់និងលឿនជាងមុន។
ក្រោយពីផ្តាច់អាហារ ហើយពឹងលើស្រាបៀរមួយមុខ លោកមិនទាន់ហ៊ានហូបអាហារច្រើនភ្លាមៗឡើយ ព្រោះលោកជឿជាក់ថា ប្រដាប់រំលាយអាហាររបស់លោកមិនទាន់ត្រឡប់មកធ្វើការត្រឹមត្រូវនៅឡើយ
ទេ។ ការអនុវត្តរបស់លោក ត្រូវបានគេចងជាឯកសារទុកនៅលើ Facebook និង YouTube ។
ចែករំលែកព័តមាននេះ