តាមប្រភពពីShanghaiist បានឱ្យដឹងថា បុរសម្នាក់ត្រូវជាប់ការសង្ស័យថា បានជួញដូរសត្វព្រៃ ក្រោយពីលែងសត្វពស់នៅរស់ជាច្រើនក្បាល សរុបទម្ងន់៤០គីឡូក្រាម ដែលធ្វើឡើងដើម្បីបន់ស្រន់សុំឱ្យមុខជំនួញមានសំណាងល្អ និងរីកចម្រើន ។
បុរសត្រកូល Yu ដែលបានលែងសត្វពស់សរុប៤០គីឡូក្រាម តម្លៃ៧៤៤ដុល្លារ (ធូរថ្លៃបំផុតនៅចិន) ពីកន្លែងមិនស្គាល់នៅក្នុងខេត្ត Guangdong ជាមួយនឹងសត្វត្រីនិងអន្ទង់សរុបតម្លៃ ១៦០០ដុល្លារ កាលពីសប្តាហ៍មុន ។ ពេលប៉ុន្មានថ្ងៃក្រោយមក គេក៏បានលែងសត្វពស់នៅក្នុងព្រៃ និង សត្វត្រីនិងអន្ទង់ចូលទៅក្នុងទន្លេ Lancang ក្នុងខេត្ត Yunnan។
ការលែងបែបនេះ គឺជាជំនឿរបស់ប្រជាជនដែលហៅថា “Fangsheng”។ គេប្រតិបត្តិវា ដោយលែងសត្វដែលជាប់ឃុំទៅក្នុងធម្មជាតិវិញឱ្យមានសេរីភាព។ នៅក្នុងករណីរបស់លោក Yu គឺធ្វើដើម្បីជួយដល់មុខជំនួញរកស៊ីអចលនទ្រព្យឱ្យមានការលូតលាស់ល្ អ។
គេមិនដឹងថា វាបានជួយដល់កម្រិតណាដល់មុខជំនួញរបស់លោក Yu ទេ។ តែគេដឹងថា ពេលនេះមានមន្ត្រីខាងរុក្ខា និងជលផលចំនួន៥០នាក់ ចុះទៅចាប់សត្វពស់ទាំងនោះមកវិញ ដោយមានការសង្ស័យថា លោក Yu មានជាប់ទាក់ទងនឹងការជួញដូរសត្វព្រៃ ៕
ចែករំលែកព័តមាននេះ