ប្រទេសអីុស្រាអែល ៖ នាយករដ្ឋមន្ត្រីអីុស្រាអែលចប់អាណត្តិ លោកបេនចាមីននេតាន់យ៉ាហ៊ូ ជាអ្នកឈ្នះក្នុងការបោះឆ្នោតសភាកាលពីថ្ងៃទី៩មីនា។ ទោះបីលទ្ធផលនៃការបោះឆ្នោតនោះ គណបក្សរបស់លោកនិងគណបក្សប្រឆាំង មានសំឡេងប្រដំប្រសងគ្នាក្ដី តែវាច្បាស់ណាស់ដែលលោកឈានទៅកាន់អាណត្តិទី៥មួយទៀត។ ពេលដែលសន្លឹកឆ្នោតត្រូវបានរាប់ជិតរួចរាល់នាថ្ងៃទី១០មីនា…
ប្រទេសអីុស្រាអែល ៖ នាយករដ្ឋមន្ត្រីអីុស្រាអែលចប់អាណត្តិ លោកបេនចាមីននេតាន់យ៉ាហ៊ូ ជាអ្នកឈ្នះក្នុងការបោះឆ្នោតសភាកាលពីថ្ងៃទី៩មីនា។ ទោះបីលទ្ធផលនៃការបោះឆ្នោតនោះ គណបក្សរបស់លោកនិងគណបក្សប្រឆាំង មានសំឡេងប្រដំប្រសងគ្នាក្ដី តែវាច្បាស់ណាស់ដែលលោកឈានទៅកាន់អាណត្តិទី៥មួយទៀត។
ពេលដែលសន្លឹកឆ្នោតត្រូវបានរាប់ជិតរួចរាល់នាថ្ងៃទី១០មីនា គណបក្សLIKOUDរបស់លោកនេតាន់យ៉ាហ៊ូ ដណ្ដើមបានកៅអី៣៥ គឹបានកៅអីច្រើនជាងគណបក្ស BLEU-BLANCរបស់លោកBENNY GANTZ។ ប៉ុន្តែនាយករដ្ឋមន្ត្រីចប់អាណត្តិ អាចទទួលបានសំឡេងភាគច្រើនក្នុងសភា លុះណាតែធ្វើសម្ព័ន្ធភាព ជាមួយគណបក្សស្ដាំនិយមនិងស្ដាំនិយមជ្រុលតូចៗ ដែលអាចឲ្យលោកទទួលបានកៅអី៦៥គ្នុងចំណោមកៅអីទាំង១២០ក្នុងសភា។
អាយុ៦៩ឆ្នាំហើយកាន់អំណាចអាណត្តិបន្តបន្ទាប់គ្នា ចាប់តាំងពី១០ឆ្នាំមកហើយ លោកនេតាន់យ៉ាហ៊ូ ទោះមានការចោទប្រកាន់លើរឿងជាច្រើន ហើយរងការគំរាមចោទប្រកាន់លោក ពីរឿងពុករលួយនិងរំលោភបំពានលើទំនុកចិត្តក្ដី ក៏ពេលនេះលោកនៅតែអាចបន្តអាណត្តិថ្មីទី៥មួយទៀត។ នៅទីស្នាក់ការគណបក្សLIKOUD លោកនេតាន់យ៉ាហ៊ូ ថ្លែងទៅកាន់ពូកអ្នកគាំទ្រនាយប់ថ្ងៃទី៩មកទី១០មេសាថា នេះជារាត្រីនៃជោគជ័យដ៏មហាសាលមួយ។ ភរិយារបស់លោកដែលជាប់ការចោទប្រកាន់នានា ក៏ចូលរួមអបអរសាទរជ័យជម្នះនៃការបោះឆ្នោតមុនកាលកំណត់នេះដែរ៕
ចែករំលែកព័តមាននេះ